టాలీవుడ్‌లో ‘జాంబీరెడ్డీ’ సినిమా ప్రేక్షకుల్లో ఆసక్తి కలిగించింది. ఫస్ట్ బైట్, సెకండ్ బైట్ అంటూ అందరి దృష్టిని ఆకర్షించింది. ప్రయోగంగా రూపొందుదున్న ఈ సినిమా నుండి బిగ్ బైట్ అంటూ సరికొత్త అప్‌డేట్ వచ్చేసింది. ఈ అప్‌డేట్‌ను యంగ్‌ రెబల్‌స్టార్ ప్రభాస్ రిలీజ్ చేశాడు. ఈ బిగ్‌బైట్‌ను నూతన సంవత్సర కానుకగా చిత్ర యూనిట్ ప్లాన్ చేసింది. అందులో భాగంగానే ఈరోజు ప్రభాస్ దీనిని రిలీజ్ చేశారు. ప్రశాంత్ వర్మ డైరెక్షన్‌లో వస్తున్న ఈ సినిమాలో ఆనంది, సజ్జ తేజాలు ప్రధాన పాత్రలుగా చేస్తున్నారు. ఈ సినిమా యాపిల్ ట్రీస్ స్టూడియోస్ బ్యానర్‌పై రూపొందుతోంది. తెలుగులో జాంబీల కథాంశంతో వస్తున్న మొట్టమొదటి సినిమా ఇది. ఈ సినిమాపై భారీ అంచనాలే ఉన్నాయి. అయితే.. ఈ సినిమా ట్రైలర్‌ను ప్రభాస్ విడుదల చేయడం ఈ సినిమాకు మంచి బుస్ట్‌ అని చెప్పచ్చు.
