Best Thriller on OTT:
టాలీవుడ్‌లో ఈ మధ్య సస్పెన్స్ థ్రిల్లర్ లు, హారర్ థ్రిల్లర్ లు అందరూ దృష్టిని ఆకర్షిస్తున్నాయి. తాజాగా అలాంటి గ్రిప్పింగ్ సస్పెన్స్ థ్రిల్లర్ గా వచ్చిన “ది బర్త్‌డే బాయ్” సినిమా ఇటీవలే థియేటర్లలో విడుదలై ప్రేక్షకుల నుంచి యావరేజ్ టాక్ అందుకుంది. వినూత్నంగా ప్రమోషన్స్ చేసినప్పటికీ, ఈ సినిమా అనుకున్న స్థాయిలో పేరు తెచ్చుకోలేకపోయింది.
కానీ థియేటర్లలో ఎలా ఉన్నా ఓటీటీలో మాత్రం ఈ సినిమాకి మంచి రెస్పాన్స్ వస్తోంది. ఇవాళ అంటే ఆగస్టు 9న ఈ సినిమా ఆహా ఓటిటిలో విడుదలైంది. థియేటర్లలో సినిమా వచ్చింది అని కూడా తెలియని ప్రేక్షకులు ఓటీటీలో మాత్రం ఈ సినిమాని విపరీతంగా చూస్తున్నారు.
కథ విషయానికి వస్తే, ఒక బర్త్‌డే పార్టీ జరుగుతూ ఉంటుంది. బర్త్‌డే బాయ్ కి తన స్నేహితులు బర్త్‌డే సందర్భంగా బంప్స్ ఇస్తున్నప్పుడు అతను మరణిస్తాడు. అసలు ఉన్నట్టుండి ఆ వ్యక్తి ఎలా చనిపోయాడు అని ఎవరికీ అర్థం కాదు. తమ స్నేహితుడి మరణం గురించి అర్థం చేసుకునేందుకు ఆ స్నేహితులు చేసే ప్రయత్నాలు కథలో కీలకమైన భాగంగా నిలుస్తాయి.
ఈ చిత్రంలో తెలుగు బిగ్ బాస్ ద్వారా పేరు తెచ్చుకున్న తొటా రవి కృష్ణతో పాటు రాజీవ్ కనకాల, ప్రామోదిని, రాజా అశోక్, మణి వాకా, సమీర్ మల్ల తదితరులు ముఖ్యపాత్రల్లో నటించారు. ఈ చిత్రానికి విస్కీ దాసరి దర్శకత్వం వహించగా, భారత్ ఇమ్మలరాజు సినిమాని నిర్మించారు.
