Kiran Abbavaram KA pre release event:
యువ హీరో కిరణ్ అబ్బవరం నటించిన మిస్టరీ థ్రిల్లర్ చిత్రం “KA” రేపు అక్టోబర్ 31న థియేటర్లలో విడుదల కానుంది. ఈ చిత్రంలో నయన్ సారిక, తాన్వి రామ్ హీరోయిన్లుగా నటిస్తున్నారు. హైదరాబాద్లో నిర్వహించిన ఈ సినిమా ప్రీ-రిలీజ్ ఈవెంట్‌లో యంగ్ హీరో నాగ చైతన్య ముఖ్య అతిథిగా పాల్గొన్నారు.
ఈ సందర్భంగా నాగ చైతన్య ఇచ్చిన స్పీచ్ ప్రేక్షకుల మనసులను గెలుచుకుంది. “చెన్నైలో జరిగిన కార్ రేసింగ్ ఈవెంట్‌లో కిరణ్ ను మొదటిసారి కలిశాను. నేను నెమ్మదిగా ఆపెన్ అయ్యే వ్యక్తిని అయినప్పటికీ, కిరణ్‌ను కలిసిన వెంటనే అతని నిజాయితీ నాకు చాలా నచ్చింది. కిరణ్ కోసమే ఈ ఈవెంట్‌కు వచ్చాను. కిరణ్ ఎంతో కష్టపడి సినిమా చేశాడు.
#KA Pre Release Eventhttps://t.co/7ZNwFRt9Hn pic.twitter.com/6S5JTg3c9E
— idlebrain.com (@idlebraindotcom) October 30, 2024
KA ట్రైలర్ చూసిన తర్వాత చాలా గర్వంగా, ఆనందంగా ఉంది. తన జర్నీ కి తన కుటుంబం నుంచి ఎంతో మద్దతు ఉందని.. కానీ కిరణ్ లాంటి టాలెంట్ ఉన్న వారి జర్నీ లు తనకు ఎప్పుడూ స్ఫూర్తి కలిగిస్తాయని చై అన్నారు. “నిజాయితీగా చెప్పాలి అంటే, కిరణ్ అబ్బవరంలా తన ప్రయత్నాలతో విజయాన్ని సాధించే వాళ్ళ కథలు వినడం నాకు ఇష్టం. మీలాంటి వాళ్ళు సినీ ఇండస్ట్రీ లోకి ప్రవేశించాలని కలలు కనే వారికి నమ్మకాన్ని ఇస్తారు.
“క సినిమా నువ్వు సొంతంగా చేసుకున్న సినిమా. నువ్వు ఉన్నతమైన స్థాయికి చేరుకున్నావు, నిన్ను ఎవరు విమర్శించినా నీకు భయపడాల్సిన అవసరం లేదు. నీలో చాలా శక్తి ఉంది. కష్టాలు ఉన్నా, నీలా నిలబడగల సామర్థ్యం నువ్వు చూపిస్తున్నావు” అని చైతన్య ప్రశంసల వర్షం కురిపించారు.
చైతన్య చివరగా KA టీంకి శుభాకాంక్షలు చెప్పి కిరణ్ ప్రయాణం తనకి కూడా ఇన్స్పిరేషన్ అని అన్నారు. “కిరణ్, నువ్వు నన్ను మరచిపోవద్దు, నేను నీకు మొదటి ఫ్యాన్. నీ జర్నీ కి నేను పెద్ద ఫ్యాన్ ని” అని చైతన్య చెప్పడంతో ప్రేక్షకులు కూడా సంతోషించారు.
ఈ చిత్రానికి సుజిత్, సందీప్ దర్శకులు కాగా, శ్రీచక్రాస్ ఎంటర్‌టైన్‌మెంట్స్ బ్యానర్‌పై నిర్మించింది. సామ్ సీ ఎస్ సంగీతం అందించారు.
