తెలుగు బిగ్బాస్-5 విన్నర్ విజె సన్నీ హీరోగా నటిస్తున్న తాజా చిత్రం ‘సకల గుణాభిరామ’. అషిమా నార్వేల్ హీరోయిన్‌గా నటిస్తున్న ఈ సినిమాకి శ్రీనివాస్ వెలిగొండ దర్శకత్వం వహించాడు. ఈ సినిమా త్వరలోనే విడుదల కానుంది. ఈ నేపథ్యంలోనే ఈ సినిమా ప్రమోషన్స్ ని ప్రారంభించారు. అంతేకాకుండా సన్నీ నిన్ననే బిగ్ బాస్ నుంచి బయటికి రావడంతో తమ హీరోకి ఈ సినిమా నుంచి ఒక సాంగ్ రిలీజ్ చేసి స్వాగతం పలికారు మూవీ యూనిట్‌.
ప్రముఖ దర్శకుడు క్రిష్ తన ట్విట్టర్ వేదికగా ఈ సాంగ్ ని రిలీజ్ చేసి చిత్ర బృందానికి శుభాకాంక్షలు తెలిపారు. ఏ పొరపాటో అంటూ సాగిన ఈ పాట ఆద్యంతం ఆకట్టుకొంటుంది. విజువల్స్ చూస్తుంటే ఈ సాంగ్ సాడ్ సాంగ్ లా కనిపిస్తోంది. అనుదీప్ సంగీత దర్శకత్వంలో సింగర్ ప్రదీప్ పాడిన ఈ పాట ఆద్యంతం మనసును హత్తుకొంటుంది. ప్రస్తుతం పోస్ట్ ప్రొడక్షన్ పనులు జరుపుకుంటుంది. మరి బిగ్ బాస్ విన్నర్ గా గెలిచినా సన్నీ మొదటి సినిమాతోనే హీరోగా విజయం సాధిస్తాడా ..? లేదా ..? అనేది చూడాలి.
