Bigg Boss 8 Telugu:
బిగ్ బాస్ 8 తెలుగు షో దాదాపు ముగింపు కి చేరుకుంది. ప్రతిరోజూ కొత్త కొత్త మలుపులతో ప్రేక్షకుల ఆసక్తిని పెంచుతూ ఉంది. ఈవారం సోమవారం నామినేషన్ ఎపిసోడ్ ఆసక్తికరంగా సాగింది, ముఖ్యంగా విష్ణు ప్రియ ప్రవర్తన హాట్ టాపిక్‌గా మారింది. ఆమె ప్రస్తుతం హౌస్‌లో మెగా చీఫ్‌గా ఉంది. ఈ బాధ్యతలలో భాగంగా ఇతర కంటెస్టెంట్లను నామినేట్ చేయాల్సిన ఆప్షన్‌ను ఆమెకు ఇచ్చారు.
అందులో ఆమె చేసిన ఎంపికలు, ముఖ్యంగా ప్రేరణ, నబీల్, యశ్మీలను నామినేట్ చేయడం హౌస్‌మేట్స్‌తో పాటు ప్రేక్షకులను కూడా ఆశ్చర్యపరిచింది. విష్ణు ప్రియ, నబీల్ మధ్య జరిగిన పెద్ద ఘర్షణ కూడా అందరి దృష్టిని ఆకర్షించింది. నామినేషన్ల సమయంలో విష్ణు ప్రియ తీసుకున్న నిర్ణయాలు నబీల్‌ను ఎమోషనల్‌గా దెబ్బతీశాయి.
ఈ సంఘటన తర్వాత నబీల్ భావోద్వేగంతో విరుచుకుపడ్డాడు. ఈ సంఘటన వల్ల విష్ణు ప్రియ పై హౌస్‌లోని ఇతర కంటెస్టెంట్లు కూడా అసంతృప్తి వ్యక్తం చేస్తున్నారు. ఆమె తమకంటే స్వంత స్ట్రాటజీ లేకుండా, కేవలం పృథ్వితో ఉన్న రొమాంటిక్ స్టోరీనే కొనసాగిస్తున్నారనే అభిప్రాయం వ్యక్తం చేస్తున్నారు.
మరోవైపు విష్ణు ప్రియ షోలో ఉన్న టాప్ ఫైవ్ కంటెస్టెంట్లలో ఒకరిగా ఉంది. కానీ, ఆమెను పైకి చేర్చడానికి ప్రొడ్యూసర్లు ప్రత్యేక ఆసక్తి చూపుతున్నారనే విమర్శలు కూడా వినిపిస్తున్నాయి. ప్రేక్షకులలో మాత్రం విష్ణు ప్రియకి సపోర్ట్ లేకపోయినా బిగ్ బాస్ ఆమెను హౌస్‌లోనే ఉంచుతున్నట్టు కొందరు అభిప్రాయపడుతున్నారు.
ALSO READ: రాజకీయ ఉద్రిక్తతల నడుమ అమల్లోకి వచ్చిన Hyderabad Curfew
