Ravi Teja about Raid remake:
మాస్ మహారాజా Ravi Teja హీరోగా హరీష్ శంకర్ దర్శకత్వంలో ప్రేక్షకులు ముందుకు రాబోతున్న సినిమా మిస్టర్ బచ్చన్. హిందీలో అజయ్ దేవగన్ హీరోగా నటించిన బ్లాక్ బస్టర్ అయిన రైడ్ సినిమాకి తెలుగు రీమేక్ గా ఈ చిత్రం విడుదల కాబోతోంది.
భాగ్యశ్రీ బోర్సే ఈ సినిమాలో హీరోయిన్గా నటిస్తోంది. తెలుగులో ఆమెకి ఇదే మొదటి సినిమా. ఈ సినిమాతో ఎలాగైనా బ్లాక్ బస్టర్ అందుకోవాలని రవితేజ అభిమానులు చాలా ఆసక్తిగా ఎదురుచూస్తున్నారు. తాజా సమాచారం ప్రకారం రవితేజ కి గతంలో కూడా ఈ సినిమా అవకాశం వచ్చిందట కానీ రవితేజ దానికి నో చెప్పారట.
వివరాల్లోకి వెళితే రవితేజ ఈ విషయాన్ని స్వయంగా బయటపెట్టారు. ఒక ఇంటర్వ్యూలో మాట్లాడుతూ గతంలో కూడా ఒక డైరెక్టర్ నాకు రెయిడ్ సినిమా ఇమేజ్ కదా చెప్పారు. కానీ కథ నాకు చాలా డ్రై గా అనిపించింది. అందుకే నేను ఒప్పుకోలేదు. ఎప్పుడైతే హరీష్ శంకర్ డైరెక్టర్ గా ఎంటర్ అయ్యారో.. నేను వెంటనే ఓకే చెప్పేసాను”అని చెప్పారు రవితేజ
రీమేక్ సినిమా అయినా కూడా హరీష్ శంకర్ కథలను చాలా అద్భుతంగా మార్చేయగలరు అని.. అది గతంలో కూడా చాలాసార్లు ప్రూవ్ అయింది అని అన్నారు రవితేజ. అందుకే ఈ సినిమాకి హరీష్ శంకర్ కారణంగా ఒప్పుకున్నట్లు క్లారిటీ ఇచ్చారు. ఇక పేరుకి రెయిడ్ సినిమా రీమేక్ అయినప్పటికీ హరీష్ శంకర్ కథలో చాలావరకు మార్పులు చేశారు అని చిత్ర ట్రైలర్ చూస్తేనే తెలుస్తోంది.
జగపతిబాబు ఈ సినిమాలో మెయిన్ విలన్ గా కనిపించనున్నారు. ఇప్పటికే విడుదలైన చిత్ర ట్రైలర్ కి ప్రేక్షకుల నుంచి మంచి రెస్పాన్స్ వచ్చింది. భారీ అంచనాల మధ్య ఆగస్టు 15న ఈ సినిమా థియేటర్లలో విడుదల కాబోతోంది.
