ఆ! సినిమాతో డైరెక్టర్ గా ఇండస్ట్రీకి పరిచయమైన ప్రశాంత్ వర్మ వరుస విజయాలు అందుకుంటూ ఇండస్ట్రీలో తనకంటూ ఒక ప్రత్యేక స్థానాన్ని ఏర్పరచుకున్నారు. హనుమాన్ సినిమాతో ప్రశాంత్ వర్మ పాన్ ఇండియా రేంజ్ సక్సెస్ అందుకున్నారు. ఈ సినిమా తర్వాత ప్రశాంత్ వర్మ కూడా మోస్ట్ వాంటెడ్ డైరెక్టర్లలో ఒకరిగా మారిపోయారు.
తాజాగా ప్రశాంత్ వర్మ చేసిన ఒక ట్వీట్ ఇప్పుడు సోషల్ మీడియాలో వైరల్ గా మారింది. “చాలెంజ్ ఆక్సెప్టెడ్” అంటే చాలెంజ్ ఒప్పుకుంటున్నాను అంటూ ఒక ఫోటో పెట్టారు ప్రశాంత్ వర్మ. అయితే అసలు ఆ చాలెంజ్ ఏంటి? ఆ చాలెంజ్ చేసింది ఎవరు? అనే విషయాలు మాత్రం బయట పెట్టలేదు. ఈ పోస్ట్ ఇప్పుడు సోషల్ మీడియాలో అందరి దృష్టిని ఆకర్షిస్తోంది. ఆ ఛాలెంజ్ గురించి తెలుసుకోవడానికి ఫాన్స్ తెగ ప్రయత్నిస్తున్నారు.
మరోవైపు కొందరేమో ఆ చాలెంజ్ కచ్చితంగా ఒక మల్టీ స్టారర్ సినిమా గురించి అని అంటున్నారు. బాలకృష్ణ, చిరంజీవి హీరోలుగా ఒక మల్టీస్టారర్ సినిమా ప్లాన్ చేయడం ఏ డైరెక్టర్ కైనా అతిపెద్ద చాలెంజ్. ఒకవేళ ప్రశాంత్ వర్మ ఈ ఛాలెంజ్ గురించి మాట్లాడుతున్నారా అని ఫ్యాన్స్ కామెంట్స్ చేస్తున్నారు.
Prashanth Varma Upcoming Movies:
ప్రశాంత్ వర్మ చేతిలో చాలానే ఆసక్తికరమైన ప్రాజెక్టులు ఉన్నాయి. కళ్యాణ్ దాసరి హీరోగా అధీర అనే ఒక సూపర్ హీరో సినిమా చేస్తున్న ప్రశాంత్ వర్మ.. హనుమాన్ సినిమాకి సీక్వెల్ గా జై హనుమాన్ సినిమాతో కూడా బిజీగా ఉన్నారు. అంతేకాకుండా బాలకృష్ణ తనయుడు నందమూరి మోక్షజ్ఞ సినిమాకి కూడా ప్రశాంత్ వర్మ దర్శకత్వం వహిస్తున్నారు.
