మెగాస్టార్ చిరంజీవి నటిస్తున్న తాజా చిత్రం ‘వాల్తేరు వీరయ్య’. ఈ మూవీ టీం అభిమానులకు నూతన సంవత్సర శుభాకాంక్షలు తెలియజేస్తూ అప్డేట్ అందించింది. త్వరలోనే ఈ మూవీ ట్రైలర్‌ అప్డేట్ రాబోతుందంటూ కొత్త పోస్టర్‌ను లాంఛ్ చేశారు.
చిరంజీవి స్టైలిష్ గాగుల్స్ పెట్టుకుని.. పోల్‌పై విన్యాసం చేస్తుంటే పక్కనే ప్రదీప్‌ రావత్‌, శ్రీనివాస్‌ రెడ్డి హమ్‌ చేస్తున్న తాజా లుక్ సినిమాపై అంచనాలు పెంచేస్తుంది. బాబీ డైరెక్షన్‌లో వస్తున్న ఈ మూవీ నుంచి ఇప్పటికే విడుదలైన పాటలు మ్యూజిక్ లవర్స్ ను ఆకట్టుకుంటున్నాయి.
మైత్రీ మూవీ మేకర్స్ బ్యానర్‌పై అత్యంత భారీ బడ్జెట్‌తో తెరకెక్కిస్తున్న ఈ సినిమాలో శృతిహాసన్‌ హీరోయిన్‌గా నటిస్తోంది. బాలీవుడ్ బ్యూటీ ఊర్వశి రౌటేలా బాస్‌ పార్టీ స్పెషల్ సాంగ్‌లో అందరినీ మెస్మరైజ్ చేయబోతుంది. మాస్ మహారాజా రవితేజ కీలక పాత్రలో నటిస్తున్నాడు. వాల్తేరు వీరయ్య జనవరి 13న ప్రపంచవ్యాప్తంగా గ్రాండ్‌గా విడుదల కానుంది.
