Viswam Teaser:
గోపీచంద్ ప్రస్తుతం శ్రీను వైట్ల దర్శకత్వంలో విశ్వం అనే సినిమా చేస్తున్నారు. ఈరోజు ఈ సినిమా టీజర్ విడుదలైంది. ఈమధ్యనే విడుదలైన గ్లింప్స్ సినిమాలో యాక్షన్ కంటెంట్ చూపించగా, ఈ టీజర్ సినిమాకు సంబంధించిన కథను ఎక్కడా బయట పెట్టకుండా ఎంటర్టైనింగ్ అంశాలను మాత్రం చాలా బాగా చూపించింది.
గోపీచంద్ హీరోగా ఈ సినిమాలో చాలా ఆసక్తికరమైన పాత్రలో కనిపించనున్నారు. మరోవైపు కావ్యా థాపర్ హీరోయిన్ గా కనిపించనుంది. టీజర్ లో కనిపించిన ఎపిసోడ్స్ చూస్తే.. సినిమాలో శ్రీను వైట్ల మార్క్ ఎంటర్టైన్మెంట్ ఉంటుంది అనే అనిపిస్తోంది. ముఖ్యంగా ట్రైన్ ఎపిసోడ్స్ లో గోపీచంద్, సునీల్ ల మధ్య కామెడీ సన్నివేశాలు కామెడీగా ఉన్నాయి.
టీజర్ లో వినోదం, కామెడీ మాత్రమే కాకుండా యాక్షన్, థ్రిల్లింగ్ అంశాలు కూడా ఎక్కువగానే ఉన్నాయి. శ్రీను వైట్ల ఈ రెండు అంశాలను బ్యాలెన్స్ చేయడంలో బాగానే శ్రమించారు అనుకోవచ్చు. గోపీచంద్ స్టైలిష్ గా కనిపించడమే కాకుండా, కామెడీ టైమింగ్ తో ప్రేక్షకులను ఆకట్టుకుంటున్నారు.
కేవీ గుహన్ సినిమాటోగ్రాఫర్ గా పని చేస్తున్న ఈ సినిమాలో చైతన్ భరద్వాజ్ సంగీతం అందిస్తున్నారు. టీజర్‌లో అన్ని కమర్షియల్ అంశాల ఉండడంతో సినిమా మీద మంచి అంచనాలు నెలకొన్నాయి. దసరా సందర్భంగా అక్టోబర్ 11న ఈ సినిమా ప్రేక్షకుల ముందుకు రాబోతోంది.
