టాలీవుడ్‌లో యంగ్ హీరో విశ్వక్ సేన్ విలక్షణమైన పాత్రలు చేస్తూ ప్రత్యేక గుర్తింపు తెచ్చుకున్నాడు. విష్వక్ తాజాగా ‘పాగల్’ సినిమాతో పలకరించడానికి రెడీ అవుతున్నాడు. నరేశ్ కుప్పిలి అనే నూతన దర్శకుడితో చేసిన రొమాంటిక్ లవ్ స్టోరీ నేపథ్యంలో తెరకెక్కుతుంది. ఈ మూవీ త్వరలో విడుదలకు సిద్ధం అవుతోంది. విశ్వక్.. ప్రస్తుతం వరుసగా సినిమాలు ప్రకటిస్తున్నాడు.
తాజా సమాచారం ప్రకారం.. ఈ యంగ్ హీరో ‘అక్టోబర్ 31 – లేడీస్ నైట్’ అనే ద్విభాషా చిత్రంలో నటిస్తున్నాడు. హారర్ నేపథ్యంలో ఫస్ట్ హలోవీన్ మూవీగా ఇది రాబోతుంది. అయితే ఈ సినిమాను ‘తలైవి’ ఫేమ్ డైరెక్టర్ ఏఎల్ విజయ్ తెరకెక్కిస్తున్నాడు. తెలుగుతో పాటు తమిళంలోను ఈ సినిమాను విడుదల చేయాలనే ఉద్దేశంతో ఉన్నారు. అందువల్లనే ఈ రెండు భాషల్లో పరిచయం ఉన్న హీరోయిన్‌లను తీసుకున్నారు. ఈ సినిమాలో విశ్వక్ సరసన ఏకంగా నలుగురు యంగ్ హీరోయిన్స్ రొమాన్స్ చేయనున్నారు. మేఘాఆకాష్, మంజిమమోహన్, రెబ్బా మౌనిక జాన్, నివేదా పేతురాజ్ హీరోయిన్స్ నటిస్తున్నారు. ఈ సినిమాను త్రిపుర ఫేమ్ ఎం. రాజశేఖర్ నిర్మిస్తున్నారు. లాక్డౌన్ కారణంగా ఈ సినిమాను సీక్రెట్ గా ఉంచినట్లు ఇండస్ట్రీవర్గాలు చెబుతున్నాయి.
