టాలీవుడ్‌ యువ నటుడు విశ్వక్ సేన్ నటిస్తున్న తాజా చిత్రం ‘పాగల్’. ఇప్పటికే విడుదల కావాల్సి ఉంది. అయితే సెకండ్ వేవ్ కారణంగా ఈ సినిమా వాయిదా పడింది. ఈ క్రమంలోనే పాగల్ ని ఓటీటీకి విక్రయించారని త్వరలోనే స్ట్రీమింగ్ అయిపోతోందని ప్రచారమైంది. అయితే ఈ ప్రచారంలో ఎలాంటి నిజం లేదని విశ్వక్ సేన్ వెల్లడించారు. పాగల్ థియేట్రికల్ రిలీజ్ కోసం వేచి చూస్తోందని దీనిని బట్టి క్లారిటీ వచ్చింది. విశ్వక్ మరో వైవిధ్యమైన చిత్రంతో ఆకట్టుకుంటాడనే నమ్మకం అభిమానుల్లో వ్యక్తమైంది. దిల్ రాజు ఈ చిత్రాన్ని నిర్మిస్తున్న సంగతి తెలిసిందే.
