Bigg Boss 8 Telugu Highlights:
బిగ్‌బాస్ తెలుగు సీజన్ 8లో నిన్నటి ఆటో టాస్క్ సందర్భంగా ఇంటిలో షాకింగ్ పరిణామాలు చోటుచేసుకున్నాయి. ఈ టాస్క్‌లో భాగంగా విష్ణు ప్రియ, రోహిణిల మధ్య జరిగిన తీవ్ర వాగ్వాదంలో విష్ణు ప్రియ గత సంబంధాలకు సంబంధించిన పలు రహస్యాలు బయటపడ్డాయి.
“ఆటో జర్నీ” అనే ఈ టాస్క్‌లో ఆటగాళ్లు ఆటోలో నిలబడడం లేదా ఇతరులను దించేయడం ద్వారా చివరి మెగా చీఫ్‌గా నిలవాలని ప్రయత్నించారు. టాస్క్‌లో తలపడుతున్న ఐదుగురు కంటెస్టెంట్లు ఈ ప్రయోజనం కోసం గొడవలకి దిగారు. విష్ణు ప్రియ, పృథ్వీ జంటగా వ్యవహరించడంతో టాస్క్ మరింత ఉత్కంఠభరితంగా మారింది.
విష్ణు ప్రియ, పృథ్వీ మొదట టేస్టీ తేజాను బలవంతంగా ఆటో నుండి దించేశారు. ఆ తర్వాత రోహిణిని లక్ష్యంగా చేసుకుని ఆమెను బయటికి నెట్టారు. రోహిణి తప్పుకున్న తర్వాత, “మిగతా వారుఎలా పోటీ చేస్తారో చూస్తా” అని హెచ్చరించారు.
తరువాత, ఈ జంట యశ్మిని లక్ష్యంగా చేసుకున్నారు. విష్ణు ప్రియ ఆమెను పట్టుకుని ఉండగా, పృథ్వీ ఆమెను నెట్టేశాడు. దీనిపై తీవ్ర ఆవేదన వ్యక్తం చేసిన యశ్మి, పృథ్వీ తనకు ఇచ్చిన సహకార వాగ్దానాన్ని గుర్తు చేశారు. దీనికి పృథ్వీ “ఇది కేవలం గేమ్ మాత్రమే” అని సమాధానమిచ్చారు.
ఈ సమయంలో రోహిణి, విష్ణు ప్రియ గతానికి సంబంధించిన సంచలన విషయాలు వెల్లడించారు. విష్ణు ప్రియ పృథ్వి తో స్నేహం మొదలుకాకముందు నిఖిల్‌ను కలిసేందుకు ప్రయత్నించిందని రోహిణి పేర్కొనడంతో ఇంట్లో కొత్త గందరగోళం మొదలైంది. ఈ వ్యాఖ్యలు మిగతా కంటెస్టెంట్లకి కూడా షాక్ ఇచ్చాయి.
ఈ సంఘటనల తర్వాత ఇంటి వాతావరణం మరింత ఉద్రిక్తంగా మారింది. ముఖ్యంగా యశ్మి, పృథ్వీ మధ్య ఉన్న విబేధాలు మరింత ముదిరే అవకాశాలు కనిపిస్తున్నాయి. బిగ్‌బాస్ హౌస్‌లో పరిస్థితులు ఎలా తిరుగుతాయో చూడాలి.
ఇది కూడా చదవండి: Salman Khan Atlee సినిమాలో ఈ ట్విస్ట్ ఎవరూ ఊహించలేదేమో!
