మెగా మేనల్లుడు సాయితేజ్ ప్రమాదం తరువాత కొంత గ్యాప్ తీసుకున్న సంగతి తెలిసిందే. తాజాగా ఆయన చేస్తున్న చిత్రం ‘విరూపాక్ష’. ఇది సాయితేజ్‌కు 15వ సినిమా. బీవీఎస్ ఎన్ ప్రసాద్ నిర్మిస్తున్న ఈ సినిమా టైటిల్ ను కొంతసేపటి క్రితమే రివీల్ చేశారు.
టైటిల్ పోస్టర్ తో పాటు గ్లింప్స్ ను కూడా విడుదల చేశారు. ఎన్టీఆర్ వాయిస్ ఓవర్ తో ఈ గ్లింప్స్ ను రిలీజ్‌ చేశారు. అసలు నిజాన్ని చూపించే మరో నేత్రమే ‘విరూపాక్ష’ .. అంటూ టైటిల్ విషయంలో ఒక క్లారిఫికేషన్ ఇచ్చారు. టైటిల్ ను డిజైన్ చేయించిన తీరు కూడా ఆకట్టుకుంటోంది.
సుకుమార్ స్క్రీన్ ప్లేను అందించిన ఈ సినిమాకి ఆయన శిష్యుడు కార్తీక్ దండు దర్శకత్వం వహించాడు. ఈ సినిమాను, తెలుగుతో పాటు తమిళ .. మలయాళ .. కన్నడ .. హిందీ భాషల్లో, వచ్చే ఏడాది ఏప్రిల్ 21వ తేదీన విడుదల చేయనున్నారు.
