టీమిండియా కెప్టెన్‌ విరాట్‌ కోహ్లి సోషల్‌ మీడియాలో చాలా యాక్టీవ్‌గా ఉంటారు. తనకు సంబంధించిన ఫోటోలను సోషల్‌ మీడియాలో షేర్‌ చేస్తూ.. అభిమానులను ఖుషి చేస్తుంటారు. ఈ క్రమంలో తాజాగా కోహ్లి పోస్ట్‌ చేసిన ఓ ఫోటోపై నెటిజన్లు వ్యంగ్యాస్త్రాలు సంధిస్తున్నారు. కేవలం షార్ట్‌ మాత్రమే ధరించి.. నేలపై కూర్చుని ఉన్న ఫోటోను.. ‘మన అంతరంగంలోకి మనం చూసుకున్నంత కాలం.. బయటి దేని గురించి మనం వెతకవలసిన అవసరం లేదు’ అనే క్యాప్షన్‌తో ఇన్‌స్టాగ్రామ్‌లో పోస్ట్‌ చేశారు కోహ్లి. ఈ ఫోటోపై కొందరు అభిమానులు సానుకూలంగా స్పందించగా.. మరికొందరు నెటిజనులు మాత్రం ‘కోహ్లి ట్రాఫిక్‌ చలాన్‌ కట్టావా.. ఏంటి’ అని కామెంట్‌ చేస్తున్నారు.
రెండు రోజుల క్రితం ట్రాఫిక్‌ అధికారులు ఆర్సీ, హెల్మెట్‌ లేదనే కారణంతో ఓ వ్యక్తికి రూ.23 వేల జరిమానా విధించిన సంగతి తెలిసిందే. దీన్ని దృష్టిలో ఉంచుకుని నెటిజన్లు ఇలా స్పందిస్తున్నారు. ‘బట్టలు వేసుకుని కూడా ఈ విషయం చెప్పవచ్చు కోహ్లి’ అంటూ కామెంట్‌ చేస్తున్నారు. వెస్టిండీస్‌పై టెస్ట్‌ సిరీస్‌ విజయంతో కోహ్లి భారత అత్యుత్తమ కెప్టెన్‌గా రికార్డు సృష్టించిన సంగతి తెలిసిందే.
Series of events#NewTrafficRules pic.twitter.com/PLp9yqOst5
— Harsh 2.0 (@imHarshThakur7) September 5, 2019
Mai laa rhi hu kapde: pic.twitter.com/15bdRbIdT1
— mSalman🇮🇳 (@mohdsalman064) September 5, 2019
