విలక్షణ నటుడు కమల్‌ హాసన్‌ కీలకపాత్రలో నటిస్తున్న ‘విక్రమ్‌’. ఈ చిత్రం బిగ్గెస్ట్‌ యాక్షన్‌ ఎంటర్‌టైనర్‌గా తెరకెక్కుతోంది. ఈ మూవీకి ‘ఖైదీ’ ఫేమ్‌ లోకేష్‌ కనగరాజు దర్శకత్వం వహిస్తున్నారు. ఇదివరకు ఈ సినిమా నుంచి విడుదలైన టీజర్‌ తెగ ఆకట్టుకుంది. ఈ సినిమా విడుదల తేదీని సోమవారం (మార్చి 14) ప్రకటించారు. సమ్మర్‌ కానుకగా జూన్‌ 3న ప్రపంచవ్యాప్తంగా ఈ చిత్రాన్ని రిలీజ్‌ చేయనున్నారు.
ఈ రిలీజ్‌ డేట్‌తోపాటు విక్రమ్‌ మేకింగ్‌ వీడియోను ప్రేక్షకులు, అభిమానులతో పంచుకుంది మూవీ యూనిట్. ఇందులో యాక్షన్‌ సీన్స్‌కు సంబంధించిన గ్లింప్స్‌ను చూపించారు. పొలిటికల్‌ యాక్షన్‌ థ్లిల్లర్‌గా సాగే ఈ మూవీలో తమిళ స్టార్‌ హీరో విజయ్ సేతుపతి, మలయాళీ పాపులర్‌ యాక్టర్‌ ఫహద్‌ ఫాజిల్‌ ప్రధాన పాత్రల్లో అలరించనున్నారు. ఈ వీడియోలో వీరిద్దరిని చూపించిన తీరు ఆకట్టుకుంది. చూస్తుంటే చాలా రోజుల తర్వాత కమల్‌హాసన్‌ పవర్‌ఫుల్‌ పాత్రలో కనిపించనున్నట్లు తెలుస్తోంది. ఈ యాక్షన్‌ థ్రిల్లర్‌కు కోలీవుడ్‌ మ్యూజిక్ సెన్సేషన్‌ అనిరుధ్‌ సంగీతం అందిస్తున్నారు.
