ప్రస్తుతం ‘టూ కంట్రీస్’ సినిమా పూర్తి చేసి మరొక ప్రాజెక్ట్ కోసం ఎదురుచూస్తున్నాడు సునీల్. అయితే ఆయన చేయాల్సిన తమిళ రీమేక్ ఒకటి రీసెంట్ గా క్యాన్సిల్ అయిందని అన్నారు. అయితే ఇప్పుడు మరో సినిమా ఆయనను వెతుక్కుంటూ వచ్చింది. విజయేంద్రప్రసాద్ ఓ కథను సిద్ధం చేసి సునీల్ కు వినిపించినట్లు తెలుస్తోంది. గతంలో విజయేంద్రప్రసాద్.. సునీల్ నటించిన ‘మర్యాద రామన్న’ సినిమాకు కథను అందించారు. ఇప్పుడు మరో సినిమా చేయడానికి రెడీ అయ్యారు. అయితే దర్శకుడిగా వేరే వారిని సెట్ చేయనున్నారు.
ఓ కార్పొరేట్ కంపనీ రెండు సినిమాలు చేయాలని విజయేంద్రప్రసాద్ తో డీల్ కుదుర్చుకున్నారు. ఈ నేపధ్యంలో సునీల్ తో
సినిమా చేయనున్నారు. ఈ సినిమాకు విజయేంద్రప్రసాద్ కథ అందించడంతో పాటు నిర్మాతగా కూడా వ్యవహరించనున్నారు. మరికొద్ది రోజుల్లోనే ఈ సినిమా మొదలయ్యే అవకాశాలు కనిపిస్తున్నాయి!
