విజయ్ దళపతి హీరోగా వంశీ పైడిపల్లి డైరెక్షన్‌లో వస్తున్న చిత్రం ‘వారసుడు’. దిల్‌రాజు నిర్మాణంలో ఈ సినిమా నిర్మితమవుతోంది. తెలుగుతో పాటు తమిళంలో ఏక కాలంలో ఈ సినిమా చిత్రీకరణను జరుపుకుంటోంది. తమిళంలో ఈ సినిమాకి ‘వరిసు’ అనే టైటిల్ ను ఫిక్స్‌ చేశారు. విజయ్ జోడీగా ఫస్టు టైమ్ రష్మిక నటించనుంది. ఇప్పటికే ఈ సినిమా చాలావరకూ షూటింగ్‌ను జరుపుకుంది.
తమన్ సంగీతం అందించిన ఈ సినిమాలో పాటలు హైలైట్ గా నిలుస్తాయని అంటున్నారు. ఈ సినిమాను సంక్రాంతికి విడుదల చేయనున్నట్టుగా ఇంతకుముందే చెప్పారు. తాజా సమాచారం ప్రకారం దీపావళికి ఈ సినిమా నుంచి ఫస్టు సింగిల్ వదలనున్నట్లు తెలుస్తుంది.
శివకార్తికేయ ‘ప్రిన్స్’ ప్రీ రిలీజ్ ఈవెంటులో తమన్ ‘వారసుడు’ గురించి ప్రస్తావించాడు. దీపావళికి ఫస్టు సింగిల్ రిలీజ్ కానున్నట్టు చెప్పాడు. ‘బీస్ట్’ తరువాత విజయ్ నుంచి వస్తున్న ఈ సినిమాపై అంచనాలు భారీగానే ఉన్నాయి.
