బాలీవుడ్ స్టార్ హీరో షారుఖ్ ఖాన్‌ ప్రధాన పాత్రలో నటిస్తున్న చిత్రం ‘జవాన్’. ఈ సినిమాకి కోలీవుడ్ స్టార్ డైరెక్టర్‌ అట్లీ దర్శకత్వం వహిస్తున్నాడు. ఈ సినిమాలో లేడీ సూపర్ స్టార్ నయనతార హీరోయిన్‌గా నటిస్తుంది. కోలీవుడ్ స్టార్ హీరో విజయ్‌ సేతుపతి కీలక పాత్ర పోషిస్తున్నాడు. జవాన్ నుంచి విజయ్‌ సేతుపతి క్యారెక్టర్‌ను పరిచయం చేస్తూ.. పోస్టర్‌ని విడుదల చేశారు. బ్లాక్ స్టైలిష్ గాగుల్స్‌తో స్టైలిష్‌గా కనిపిస్తున్నాడు. ఇప్పుడీ లుక్‌ సోషల్‌ మీడియాలో ట్రెండ్‌ అవుతుంది.
ఇప్పటికే ఈ సినిమా నుండి విడుదలైన అప్డేట్స్‌కు మంచి స్పందన లభించింది. జవాన్ ట్రైలర్‌లో షారుక్‌ ఖాన్‌ జవాన్‌లో కిల్లింగ్‌ యాక్టింగ్‌తో ఇరగదీయబోతున్నాడని, ఇంటెన్స్‌ యాక్షన్‌ పార్టు, స్టన్నింగ్ విజువల్స్‌తో అదిరిపోయింది. యాక్షన్‌ థ్రిల్లర్‌ జోనర్‌లో తెరకెక్కుతున్న ఈ మూవీలో షారుఖ్ ఖాన్‌ ఈ చిత్రంలో తండ్రి, కొడుకుగా డ్యుయల్‌ రోల్‌లో కనిపించబోతున్నట్టు సమాచారం.
జవాన్‌లో నయనతార ఇన్వెస్టిగేటివ్ ఆఫీస‌ర్‌గా న‌టించ‌నున్నట్టు సమాచారం. ఈ చిత్రంలో, ప్రియమణి, సన్యా మల్హోత్రా, సునీల్ గ్రోవర్‌ కీలక పాత్రలలో నటిస్తుండగా.. బాలీవుడ్ భామ దీపికా పదుకొనే అతిథి పాత్రలో కనిపించనుంది. జవాన్ సెప్టెంబర్ 7న ప్రపంచవ్యాప్తంగా గ్రాండ్‌గా విడుదల కానుంది. హై ఆక్టేన్ యాక్షన్‌ థ్రిల్లర్‌ జోనర్‌లో తెరకెక్కుతున్న ఈ మూవీని షారుఖ్ ఖాన్‌ హోంబ్యానర్ రెడీ చిల్లీస్‌ ఎంటర్‌టైన్‌మెంట్స్‌ బ్యానర్‌పై గౌరీఖాన్ తెరకెక్కిస్తోంది. ఈ సినిమాపై భారీ అంచనాలు ఉన్నాయి.
