టాలీవుడ్ యంగ్‌ హీరో విజయ్ దేవరకొండ ప్రస్తుతం పూరి జగన్నాధ్ డైరెక్షన్‌లో ఓ సినిమాలో నటిస్తున్న విషయం తెలిసిందే. ఇటీవలే ‘వరల్డ్ ఫెమస్ లవర్’ చిత్రంతో ఘోరంగా దెబ్బతిన్నాడు విజయ్ దేవరకొండ దాంతో భారీ హిట్ కొట్టాలన్న కసితో ఉన్నాడు విజయ్. ఇది విజయ్ కెరీర్ లో తొలి ప్యాన్ ఇండియా సినిమా అని చెప్పవచ్చు. ఈ చిత్రంలో విజయ్‌కు జంటగా బాలీవుడ్ బ్యూటీ అనన్య పాండే హీరోయిన్ గా నటిస్తోంది. ఈ సినిమాని కరణ్ జోహార్ – ఛార్మీ కలిసి నిర్మిస్తున్నారు. ఇదిలా ఉంటే విజయ్ మరో క్రేజీ ఫిలిం లో నటించబోతున్నాడని తెలుస్తుంది. లాక్‌డౌన్ కారణంగా ఇంటికే పరిమితమైన విజయ్ ఇటీవల ఓ ఇంటర్వ్యూలో మాట్లాడుతూ ఆసక్తికర విషయాలను చెప్పుకొచ్చాడు. మజిలీ దర్శకుడు శివ నిర్వాణలో విజయ్ నటిస్తున్నాడు అన్న వార్త నిజమేనని.. దాంతో పాటుగా దిల్ రాజు బ్యానర్ లో మరో సినిమా ఉంటుందని.. శివ నిర్వాణ సినిమా కంప్లీట్ అయిన తర్వాత ఆయనతో సినిమా ఉంటుందని చెప్పకనే చెప్పాడు.
మజిలీ దర్శకుడితో విజయ్ దేవరకొండ!
