తెలుగులో అతిపెద్ద రియాల్టీ షో బిగ్బాస్ నాల్గో సీజన్ ఫైనల్ స్టేజ్‌కు వచ్చింది. మరో వారం రోజుల్లో బిగ్బాస్-4 ముగియనుంది. ప్రస్తుతం ఈ షోలో టాప్-5లో అఖిల్‌, సోహైల్‌, అభిజిత్, హారిక, అరియానా ఫైన‌ల్‌కు చేరిన సంగతి తెలిసిందే. ట్రోఫీని ఎలాగైనా దక్కించుకోవాలని ఇంటిస‌భ్యులు గేమ్‌పై పూర్తిగా దృష్టిపెడుతున్నారు. అభిమానులు సైతం ఓట్ల కోసం తమకు నచ్చిన కంటెస్టెంట్‌కు మద్దతిస్తూ ప్రచారం చేస్తున్నారు. బిగ్బాస్-4 సీజన్ విన్నర్ అభిజిత్ అంటూ సోషల్ మీడియాలో తెగ ప్రచారం జరుగుతోంది. ఇప్పటికే అభిజిత్‌కు నాగబాబు మద్దతిచ్చారు. తాజాగా విజయ్ దేవరకొండ కూడా అభిజిత్‌కు బెస్ట్‌ ఆఫ్‌ లక్‌ చెప్తూ సోషల్ మీడియాలో ఓ ఫోటోని షేర్‌ చేశారు. అభిజిత్, విజయదేవరకొండ కలిసి లైఫ్ ఈజ్ బ్యూటీఫుల్ చిత్రంలో చేసిన సంగతి తెలిసిందే.
బిగ్బాస్: అభిజిత్‌కు రౌడీ హీరో మద్దతు
