టాలీవుడ్‌ స్టార్‌ హీరోయిన్‌ సమంత ‘మజిలీ’ తరువాత ఆమె మరో ప్రేమకథా చిత్రం చేయడానికి అంగీకరించింది .. అది కూడా ‘మజిలీ’ మూవీ డైరెక్టర్‌తోనే కావడం విశేషం. దర్శకుడు శివ నిర్వాణ మైత్రీ బ్యానర్ తో కలిసి ఈ ప్రాజెక్టును పట్టాలెక్కించాడు.
విజయ్ దేవరకొండ – సమంత జోడీ అనేసరికి సహజంగానే అందరిలో ఆసక్తి మొదలైంది. ఈ సినిమాకి ‘ఖుషి’ అనే టైటిల్ నువిడు ఫిక్స్‌ చేశారు. తాజాగా ఈ సినిమా నుంచి ఫస్టులుక్ మోషన్ పోస్టర్ ను విడుదల చేశారు. విజయ్ దేవరకొండ మోడ్రన్ లుక్ తో కనిపిస్తుంటే, సమంత సంప్రదాయ బద్ధమైన లుక్ తో కనిపిస్తోంది.
ఈ ఇద్దరికీ కొంగుముడి వేసిన పోస్టర్ ఆకట్టుకునేలా ఉంది. ఈ సినిమా విడుదల తేదీని కూడా అప్పుడే ప్రకటించడం విశేషం. డిసెంబర్ 23వ తేదీన ఈ సినిమాను భారీ స్థాయిలో విడుదల చేయనున్నారు. ‘యశోద’ తరువాత సమంత .. ‘లైగర్’ తరువాత విజయ్ దేవరకొండ చేస్తున్న సినిమా ఇది. త్వరలోనే మిగతా వివరాలు తెలియనున్నాయి.
