విజయ్ దేవరకొండ ఖుషి మూవీ పాజిటివ్ టాక్ సొంతం చేసుకుంది. వరుసగా 3 అపజయాల తర్వాత విజయ్ దేవరకొండకు ఖుషి హిట్ ఇచ్చిందని చెప్పాలి. ఇది ఏ స్థాయి హిట్ అనేది తెలియాలంటే కొద్ది రోజులు ఆగాల్సిందే. కుటుంబ సమేతంగా అందరూ కలిసి చూసే మూవీలా ఖుషి నిలిచింది.
మొదటి మూడు రోజుల్లోనే చాలా ప్రాంతాల్లో ఖుషి కలెక్షన్‌లు బాగా ఉన్నాయి. ఓవరాల్‌గా ఫీల్ గుడ్ మూవీ అని టాక్. ఈ సినిమా సక్సెస్ సందర్భంగా విజయ్ దేవరకొండ ప్రెస్ మీట్ ఏర్పాటు చేశారు. మూవీ విజయంపై తన సంతోషాన్ని పంచుకున్నారు.
ఈ సినిమా కోసం తాను తీసుకున్న రెమ్యునరేషన్‌లో కోటి రూపాయలు ప్రజల కోసం ఖర్చు చేయాలని అనుకుంటున్నట్లు తెలిపాడు. త్వరలో 100 కుటుంబాలని ఎంపిక చేసి ఒక్కొక్కరి లక్ష చొప్పున సాయం చేస్తానని చెప్పాడు.
ఖుషి విజయం అభిమానులదే. అందుకే అందులో కొంత డబ్బును మళ్ళీ మీకే ఇవ్వాలని అనుకుంటున్నా అన్నాడు. నేను సక్సెస్ కావాలని మీరందరూ కోరుకుంటారు. నా సినిమా ఫెయిల్ అయితే బాధపడతారు. హిట్ కొడితే సంతోషిస్తారు. నా కుటుంబంలాగే మీరు నా వెన్నంటే ఉంటున్నారు. అందుకే నా సంతోషాన్ని మీ అందరితో పంచుకోవాలని అనుకుంటున్నాను అన్నాడు.
సినిమాల్లోకి వచ్చాక బాగా సంపాదించాలని, అమ్మానాన్నలని మంచిగా చూసుకోవాలని అనుకున్నాను. నా సినిమా మీద కావాలనే తప్పుడు ప్రచారం చేస్తున్నారు. తప్పుడు రేటింగ్స్ ఇస్తున్నారు. సోషల్ మీడియాలో నాపై వ్యతిరేకంగా ప్రచారం చేస్తున్నారు. అవన్నీ దాటుకొని వచ్చి నా సినిమాను మీరు ఆదరిస్తున్నారు.
నాకు ఇంత మద్దతుగా ఉన్న నా అభిమానుల కోసం ఏదో ఒకటి చేయాలని డిసైడ్ అయ్యి నా సంపాదనలో కొంత మొత్తం మీకు ఇస్తున్నా అని విజయ్ దేవరకొండ కాస్తా ఉద్వేగంగానే చెప్పుకొచ్చారు.
