టాలీవుడ్ యంగ్ హీరో విజయ్ దేవరకొండ తాజా చిత్రం “ఫైటర్”. ఈ సినిమాను క్రేజీ డైరెక్టర్ పూరీ జగన్నాథ్ దర్శకత్వంలో తెరకెక్కుతోంది. విజయ్ ఈ చిత్రంలో బాక్సర్‌గా కనిపించనున్నాడు. పాన్ ఇండియా మూవీగా రూపొందుతున్న ఈ సినిమాలో విజయ్‌తో అనన్య పాండే రొమాన్స్ చేయబోతుంది. కరోనా కారణంగా అన్ని సినిమాలు వాయిదా పడిన సంగతి తెలిసిందే. ఇప్పటికే ఈ సినిమా షూటింగ్ పార్ట్ 50 శాతం పూర్తయింది. అక్టోబర్‌లో తిరిగి షూటింగ్ ప్రారంభించేందుకు సన్నాహాలు చేస్తున్నారు. మాములు సన్నివేశాల చిత్రీకరణకు ఎక్కువమంది రావాల్సి వస్తుంది కాబట్టి ముందుగా హీరో, హీరోయిన్స్ మధ్య పాటల చిత్రీకరణ పూర్తిచేయాలని చూస్తున్నారు.
