సెన్సేషనల్‌ హీరో విజయ్‌ దేవరకొండ, డైరెక్టర్‌ సుకుమార్‌ కాంబినేషన్‌లో ఓ సినిమా తెరకెక్కనుంది. దీనికి సంబంధించిన అధికారిక ప్రకటన కూడా వెలువడింది. ఫాల్క‌న్ క్రియేష‌న్స్ ప‌తాకంపై నిర్మించనున్న ఈ సినిమాతో కేదార్ సెల‌గంశెట్టి నిర్మాతగా ఎంట్రీ ఇవ్వనున్నారు. ఈ రోజు ఆయన పుట్టినరోజు సందర్భంగా ఈ మేరకు మూవీ యూనిట్‌ ప్రకటన విడుదల చేసింది. 2022లో సినిమాను విడుదల చేసేందుకు సన్నాహాలు చేస్తున్నట్లు పేర్కొంది.
ఇక ఈ విషయంపై స్పందించిన విజయ్‌ దేవరకొండ.. ‘‘నాలో ఉన్న నటుడు ఎంతో ఉత్సుకతతో ఎదురుచూస్తున్నాడు. నాలోని ప్రేక్షకుడు సంబరాలు చేసుకుంటున్నాడు. ఇదొక గుర్తుండిపోయే సినిమా అవుతుందని హామీ ఇస్తున్నా.. సుక్కు సర్‌.. మీతో కలిసి పనిచేసేందుకు ఎంతో ఆత్రంగా ఎదురు చూస్తున్నా’’అంటూ ట్విటర్‌ వేదికగా సంతోషం వ్యక్తం చేశాడు. అలాగే.. ‘‘నువ్వు నాకొక మంచి స్నేహితుడివి. కష్టపడే మనస్తతత్వం కలవాడివి. హ్యాపీ బర్త్‌డే కేదార్’’ అంటూ తన ప్రొడ్యూసర్‌కు శుభాకాంక్షలు తెలియజేశాడు. వచ్చే ఏడాది ఈ క్రేజీ మూవీ ప్రారంభం కానుంది.
Sukumar – Vijay Deverakonda
The actor in me is super excited
The audience in me is celebrating!
We guarantee you memorable Cinema.. I can’t wait to be on set with Sukku sirrr 😘🤗Happy birthday Kedar, you’ve been a good friend and you work extremely hard 🙂 pic.twitter.com/9CHIIvcpBw
— Vijay Deverakonda (@TheDeverakonda) September 28, 2020
