Vijay Antony Toofan OTT:
Vijay Antony హీరోగా నటించిన మజై పడిక్కత మానిధన్ అనే తమిళ యాక్షన్ డ్రామా ఇటీవల ప్రేక్షకుల ముందుకు వచ్చింది. విజయ్ మిల్టన్ దర్శకత్వం వహించిన ఈ చిత్రంలో మేఘా ఆకాష్ హీరోయిన్ గా కనిపించారు. ఈ సినిమా కొద్ది రోజుల క్రితం అమెజాన్ ప్రైమ్ వీడియోలో విడుదలై మంచి విజయాన్ని సాధించింది.
ఇప్పుడు ఈ చిత్ర తెలుగు డబ్బింగ్ వెర్షన్ తూఫాన్ కూడా అదే ప్లాట్‌ఫారమ్‌లో విడుదలైంది. థియేటర్లలో ఈ చిత్రం అంచనాలను అందుకోకపోయినా, ఓటిటిలో మంచి వ్యూస్ వస్తాయేమో చూడాలి. డిజిటల్ ప్లాట్‌ఫారమ్‌లో ఈ సినిమాఎలా స్పందన పొందుతుందో అని చిత్ర బృందం కూడా ఎదురుచూస్తోంది.
ఈ చిత్రంలో విజయ్ ఆంటోనీతో పాటు రా. శరత్‌కుమార్, సత్యరాజ్, ధనంజయ, శరణ్య, మరియు రితికా సింగ్ వంటి స్టార్ నటీనటులు కీలక పాత్రల్లో నటించారు. రితికా సింగ్ ప్రత్యేక పాత్రలో కనిపించింది. ఇన్‌ఫినిటీ ఫిల్మ్ వెంచర్స్ నిర్మించిన ఈ సినిమాకి అచ్చు రాజమాణి, విజయ్ ఆంటోనీ, రాయ్, హరి డఫుసియా, వాగు మజాన్‌లు కలిసి సంగీతాన్ని అందించారు.
విజయ్ ఆంటోనీ ఈ సినిమాలో తన ముందు సినిమాలకు భిన్నంగా, కొత్త తరహా పాత్రలో కనిపించారు. సినిమా కథ విషయానికి వస్తే.. సలీం (విజయ్ ఆంటోనీ) ఒక సీక్రెట్ ఏజెంట్. మిషన్ సమయంలో తన ప్రియురాలిని కోల్పోతాడు. ఈ విషాదం తర్వాత, సలీమ్ జీవితం కొత్త మలుపు తీసుకుంటుంది. సలీం చీఫ్ (శరత్‌కుమార్) అతన్ని ఒక రహస్య స్థలానికి పంపిస్తాడు. కథలో సౌమ్య (మేఘా ఆకాష్) పాత్ర ఏమిటి? కెప్టెన్ (సత్యరాజ్) సలీంను ఏమి ఆదేశిస్తాడు? సలీం కథ చివరకు ఎలా ముగుస్తుంది? తెలియాలంటే సినిమా చూడాల్సిందే.
