టాలీవుడ్‌ యంగ్‌ హీరో సంతోష్‌ శోభన్‌ నటిస్తున్న తాజా చిత్రం ‘లైక్‌ షేర్ అండ్ స‌బ్‌స్క్రైబ్’. మేర్లపాక గాంధి డైరెక్షన్‌లో వస్తున్న ఈసినిమా నుండి ఇప్పటికే విడుదలైన పోస్టర్‌లు, టీజర్‌ ప్రేక్షకుల్లో ఆసక్తిని కలిగించాయి. తాజాగా చిత్రబృందం ఈ సినిమా టైటిల్‌ సాంగ్‌ వీడియోను విడుదల చేశారు.
ప్రవీణ్‌ లక్కరాజు స్వర పరిచిన ఈ పాటను స్వీకర్ అగస్తి ఆలపించగా.. శ్రీమణి సాహిత్యం అందించాడు. అడ్వేంచ‌ర్ కామెడీ ఎంట‌ర్టైన‌ర్‌గా తెర‌కెక్క‌నున్న ఈ చిత్రంలో జాతిర‌త్నాలు ఫేం ఫ‌రియా అబ్దుల్లా హీరోయిన్‌గా న‌టిస్తుంది. సుద‌ర్శ‌న్ కీల‌క‌పాత్ర‌లో న‌టిస్తున్నాడు. ఈ చిత్రాన్ని నిహారిక ఎంట‌ర్టైన‌మెంట్స్‌, అమృతా క్రియేష‌న్స్ సంయుక్తంగా నిర్మిస్తున్నాయి. ఈ చిత్రాన్ని నవంబర్‌ 4న విడుదల చేసేందుకు మేకర్స్ సన్నాహాలు చేస్తున్నారు.
