హీరో వేణు తొట్టెంపూడి నటించిన తొలి వెబ్ సిరీస్ అతిథి. హర్రర్ థ్రిల్లర్ కథాంశంతో రూపొందుతోంది. ఇందులో వేణు పాత్ర చుట్టూనే ఈ కథ తిరగనుంది. రైటర్ రవి పాత్రలో వేణు కనిపించనున్నారు. ఈ వెబ్‌సిరీస్‌లో అవంతిక మిశ్రా కీలక పాత్ర పోషించింది. ఈ నెల 19 నుంచి హాట్‌స్టార్‌లో ఈ వెబ్‌సిరీస్ స్ట్రీమింగ్ కాబోతుంది.
అతిథి వెబ్‌సిరీస్‌ను రాండమ్ ఫ్రేమ్స్ ఎంటర్‌టైన్మెంట్ బ్యానర్‌పై దర్శకుడు భరత్ వైజీ రూపొందించారు. ప్రముఖ దర్శకుడు ప్రవీణ్ సత్తారు షో రన్నర్ గా వ్యవహరించారు. దీనికిసంబంధించిన ప్రీ రిలీజ్ ఈవెంట్‌ను హైదరాబాద్‌లో ఘనంగా నిర్వహించారు.
దెయ్యాలు ఉన్నాయి, అవి ఇతరులను ఆవహిస్తాయి అనే విషయాలను రవి ఎంత మాత్రం నమ్మడు. అలాంటి రవి ఇంటికి మనీషా అనే ఒక యువతి వస్తుంది. ఆమె ప్రవర్తన చాలా చిత్రంగా ఉండటంతో, ఆమె దెయ్యమని రవి స్నేహితుడు చెబుతాడు. అప్పుడు రవి ఏం చేస్తాడు? ఆ తరువాత ఏమౌతుంది? ప్రతి ఎపిసోడ్ ట్విస్టులతో కొనసాగనుంది. ఫ్యామిలీ అంతా కలిసి చూసే వెబ్ సిరీస్ అని దర్శకుడు భరత్ అంటున్నాడు.
