OMG on OTT:
వెన్నెల కిషోర్, నందితా శ్వేతా నటించిన చిత్రం ఓ మంచి గోస్ట్ (OMG) జూన్ 21, 2024 న థియేటర్లలో విడుదలైంది. ప్రేక్షకుల అంచనాలను అందుకోలేకపోవడంతో, బాక్స్ ఆఫీస్ వద్ద ఈ సినిమా పెద్దగా ప్రభావం చూపలేకపోయింది. శంకర్ కె. మార్తాండ్ దర్శకత్వంలో రూపొందిన ఈ సినిమా ప్రేక్షకులను మెప్పించలేకపోయింది. ఇప్పుడు ఈ చిత్రం ఓటీటీలో ప్రేక్షకులను అలరించేందుకు సిద్ధం అయింది.
ఆహా ప్లాట్‌ఫారమ్‌లో ఇవాళ అనగా ఆగస్టు 15, 2024 న ఓటీటీలో విడుదలైంది. థియేటర్లలో సినిమా చూడలేకపోయిన వాళ్ళు హాయిగా ఈ సినిమాని ఇంట్లోనే కూర్చుని చూసేయొచ్చు. ఎలాగో ఓటీటీలోనే.. పైగా హారర్ కామెడీ కాబట్టి సినిమాని ఒకసారి హ్యాపీగా చూడచ్చు.
ఓ మంచి గోస్ట్ చిత్రంలో వెన్నెల కిషోర్, నందితా శ్వేతాతో పాటు శకలక శంకర్, నవామి గాయక్, నవీన్ నేని, రాజత్ రాగవ, రఘు బాబు వంటి నటీనటులు కీలక పాత్రలలో కనిపించారు. డా. అభినిక ఇనబతుని నిర్మించిన ఈ చిత్రానికి అనూప్ రూబెన్స్ సంగీతాన్ని అందించారు.
ఓటీటీలో అయినా సినిమా ప్రేక్షకులకి కచ్చితంగా నచ్చుతుంది అని చిత్ర బృందం ఎదురుచూస్తోంది. ఇప్పుడు ఉన్న స్టార్ కమెడియన్లలో వెన్నెల కిషోర్ పేరు ముందే ఉంటుంది. ఎంత పెద్ద సినిమా అయినా వెన్నెల కిషోర్ కామెడీ టైమింగ్ మాత్రం చాలా వరకు ప్రేక్షకులకు నచ్చుతాయి. ఇక ఈ సినిమాలో వెన్నెల కిషోర్ స్వయంగా హీరో కాబట్టి.. హారర్ అంతగా లేకపోయినా కామెడీ మాత్రం బాగానే ఉంటుంది.
