టాలీవుడ్ హీరో మంచు విష్ణు, టాలీవుడ్ చందమామ కాజల్ అగర్వాల్ కలిసి నటిస్తున్న తాజా చిత్రం మోసగాళ్లు. ఈ సినిమాలో వీరిద్దరూ అన్న చెల్లిగా నటిస్తున్నారు. ప్రపంచలోనే బిగ్గెస్ట్ ఐటీ స్కా్‌మ్‌ నేపథ్యంలో ఈ చిత్రం తెరక్కెకుతున్నట్లు తెలుస్తుంది. 24 ఫిలిం ఫ్యాక్టరీ, ఏవీఏ ఎంటర్‌టైన్మెంట్స్‌ బ్యానర్‌లపై మంచు విష్ణు స్వయంగా నిర్మిస్తున్న ఈ సినిమాకు హాలీవుడ్‌ డైరెక్టర్‌ జెఫ్రీ గీ చిన్‌ దర్శకత్వం వహిస్తున్నాడు.
బాలీవుడ్ యాక్టర్ సునీల్ శెట్టి టాలీవుడ్ కు పరిచయం అవుతున్న ఈ చిత్రంలో రుహీ సింగ్ – నవదీప్ – నవీన్ చంద్ర నటిస్తున్నారు. ఈ క్రమంలో హీరో వెంకటేష్ రిలీజ్ చేసిన టైటిల్ కీ థీమ్ మ్యూజిక్.. అల్లు అర్జున్ విడుదల చేసిన టీజర్ కూడా ఆకట్టుకున్నాయి. తాజాగా ఈ సినిమాకు సంబంధించి మరో ఇంట్రస్టింగ్ అప్డేట్ వచ్చింది. మోసగాళ్లు సినిమాకు వెంకటేష్ వాయిస్ ఓవర్ ఇస్తున్నారు. ఇప్పటికే పాజిటివ్ బజ్ క్రియేట్ చేసుకున్న ‘మోసగాళ్లు’ కు వెంకటేష్ వాయిస్ ఓవర్ కచ్చితంగా పెద్ద ప్లస్ అవుతుందని మూవీ యూనిట్‌ భావిస్తుంది.
