టాలీవుడ్‌లో విక్టరీ వెంకటేష్ తనదైన స్టైల్‌లో గుర్తింపు తెచ్చుకున్నాడు. ఎన్నో మరపురాని విజయాలందుకొని ‘విక్టరీ’నే తన ఇంటి పేరుగా మార్చుకున్న ఆయన రేపటితో (డిసెంబర్ 13) 60వ వసంతాలు పూర్తి చేసుకోనున్నారు. ఈ సందర్భంగా తన లేటెస్ట్ మూవీ ‘నారప్ప’ నుంచి ప్రత్యేకమైన అప్‌డేట్ సిద్ధం చేయడమే గాక.. న్యూ లుక్‌లో ఫోటో షూట్‌లో పాల్గొని అభిమానులకు స్పెషల్ ట్రీట్ ఇచ్చాడు ఈ విక్టరీ హీరో. ఈ లుక్ అభిమానులను ఆకట్టుకుంటుంది.
ప్రస్తుతం వెంకటేష్ ‘నారప్ప’ మూవీతో బిజీగా ఉన్నాడు. ఈ మూవీలో పవర్‌ఫుల్, ఇంటెన్స్ పాత్రలో ఆయన కనిపించనున్నారు. ఇప్పటికే విడుదలైన పోస్టర్స్ ఈ సినిమాపై భారీ అంచానాలను క్రియేట్ చేశాయి. వెంకీ పుట్టినరోజు సందర్భంగా ‘నారప్ప’ గ్లింప్స్ ఈ రోజు (డిసెంబర్ 12) రాత్రి 8:00 గం లకు విడుదల చేయనున్నారు. ఈ మూవీ తర్వాత దర్శకుడు అనిల్ రావిపూడి డైరెక్షన్‌లో వరుణ్ తేజ్‌తో కలిసిF2 సీక్వెల్‌ ‘F3’ చేయనున్నాడు.
