మెగాస్టార్ చిరంజీవి హీరోగా నటిస్తున్న సినిమాల్లో ‘వాల్తేర్ వీరయ్య’ ఒకటి. బాబీ డైరెక్షన్ లో వస్తున్న ఈ సినిమా మైత్రీ మూవీని మేకర్స్ బ్యానెర్‌లో భారీ బడ్జెట్ తో నిర్మిస్తున్నారు. ఈ సినిమా షూటింగు పనులు చకచకా జరిగిపోతున్నాయి. శృతి హాసన్ హీరోయిన్‌గా నటిస్తుండగా, రవితేజ కీలక పాత్ర పోషిస్తున్నాడు. ఈ సినిమాలో హీరోకి సవతి తల్లి కొడుకుగా రవితేజ కనిపించనున్నాడు. ఆయన పాత్ర వైపు నుంచి కూడా యాక్షన్ – ఎమోషన్ ఉండనున్నట్టుగా టాక్‌.
తాజాగా ఈ సినిమాకి సంబంధించి మరో ఆసక్తికర వార్త వైరల్‌ అవుతుంది. ఈ సినిమా చివరిలో అతిథి పాత్రలో విక్లరీ వెంకటేశ్ కనిపించనున్నారనేది తాజా సమాచారం. మెగాస్టార్ తో ఉన్న సాన్నిహిత్యం కారణంగా వెంకీ ఈ సినిమాలోని ఒక సరదా సందర్భంలో కనిపించడానికి వెంకటేశ్ ఓకే చెప్పారని అంటున్నారు. ఈ విషయాన్ని అధికారిక ప్రకటించలేదు. దేవిశ్రీ ప్రసాద్ సంగీతం అందిస్తున్నారు.
