టాలీవుడ్ సీనియర్ నటుడు విక్టరీ వెంకటేశ్ 75వ సినిమా అధికారిక ప్రకటన వచ్చింది. ‘హిట్2’ తో ప్రశంసలు అందుకున్న యంగ్‌ డైరెక్టర్‌ శైలేష్ కొలనుతో ఆయన ఈ చిత్రాన్ని చేస్తున్నారు. నిహారిక ఎంటర్ టైన్ మెంట్ బ్యానర్ పై వెంకట్ బోయనపల్లి దీనిని నిర్మించనున్నారు. ఈ విషయాన్ని నిహారిక ఎంటర్ టైన్ మెంట్ సోమవారం వెల్లడించింది.
ఈ సినిమాకు సంబంధించిన ప్రీలుక్‌ పోస్టర్‌ను కూడా ఈ రోజు రిలీజ్‌ చేసింది. ఈ పోస్టర్‌ను బట్టి చూస్తే ఇది యాక్షన్ సినిమాలా కనిపిస్తోంది. సినిమా యొక్క మరిన్ని వివరాలను ఈనెల 25వ తారీకున రిపబ్లిక్ డే సందర్భంగా ప్రకటించబోతున్నట్లుగా పేర్కొన్నారు. ఆ రోజే ఇతర నటీనటుల గురించి వెల్లడించే అవకాశం ఉంది.
