నందమూరి బాలకృష్ణ హీరోగా నటిస్తున్న తాజా చిత్రం ‘వీరసింహారెడ్డి. ఈ సినిమా నుండి ఇప్పటికే విడుదలైన పాట ‘సుగుణ సుందరి’ పాట ఒక రేంజ్ లో దూసుకెళుతోంది. రికార్డు స్థాయిలో ఈ మాస్ బీట్ వ్యూస్ ను రాబడుతోంది. ఈ క్రమంలో మరో సాంగ్ విడుదల తేదీని ప్రకటించారు.
ఈ సినిమా కోసం తమన్ ‘మా బావ మనోభావాలు’ అనే పాటను స్వరపరిచాడు. ఈ పాటను ఈ నెల 24వ తేదీన మధ్యాహ్నం 3:19 నిమిషాలకు రిలీజ్ చేయనున్నారు. ఈ విషయాన్ని తెలియజేస్తూ, అందుకు సంబంధించిన పోస్టర్ ను వదిలారు. ఈ పాటను కూడా బాలకృష్ణ – శృతి హాసన్ బృందంపై చిత్రీకరించినట్టు తెలుస్తోంది.
రాయలసీమ ఫ్యాక్షన్ నేపథ్యంలో నడిచే ఈ కథలో దునియా విజయ్ విలన్‌గా నటిస్తుండగా..వరలక్ష్మి శరత్ కుమార్ కీలక పాత్రలో అల్లరించనుంది. ఈ సినిమా సంక్రాంతి సందర్భంగా ‘జనవరి 12’న ప్రేక్షకుల ముందుకు రానుంది.
