VD12 Leaked Photos:
విజయ్ దేవరకొండ ప్రస్తుతం గౌతమ్‌ తిన్ననూరితో ఒక సినిమాలో నటిస్తున్న సంగతి తెలిసిందే. ఈ సినిమా నుంచి లీక్ అయిన కొన్ని ఫోటోలు ఇంటర్నెట్‌ని షేక్‌ చేస్తున్నాయి. పూర్తి మాస్ లుక్ లో విజయ్ చాలా కొత్తగా కనిపిస్తున్నాడు. తాజాగా దీనిపై చిత్ర బృందం కూడా స్పందించింది. థియేటర్లో బెస్ట్ ఎక్స్ పీరియెన్స్ ఇవ్వడం కోసం తాము కృషి చేస్తున్నామని, అందుకోసం నిర్విరామంగా పని చేస్తున్నట్టు తెలిపారు.
ఇప్పటికే 60 శాతం చిత్రీకరణ పూర్తి అయినట్టు స్పష్టం చేశారు. త్వరలోనే సినిమా ఫస్ట్ లుక్ రిలీజ్ చేసే ప్లాన్‌ చేస్తున్నామని క్లారిటీ ఇచ్చారు. ఇక లీక్ అయిన లుక్ గురించి మాట్లాడుతూ అధికారికంగా ప్రకటించేంత వరకు ఓపిక పట్టమని, లీక్ అయిన పోస్టర్స్ షేర్‌ చేయవద్దు అని రిక్వెస్ట్ చేసింది టీమ్‌.
అయితే లీక్ అయినా ఫోటోలలో విజయ్ దేవరకొండ లుక్ మాత్రం సోషల్ మీడియాలో వైరల్ గా మారింది. ట్రిమ్ చేసిన జుట్టుతో, గడ్డంతో విజయ్ దేవరకొండ మాస్ లుక్ తో కనిపిస్తున్నారు. సడన్గా ఇంత చేంజ్ ఓవర్ చూసి అభిమానుల సైతం షాక్ అయ్యారు. ఇప్పటిదాకా ఫ్యామిలీ సినిమాలు చేసిన విజయ్ దేవరకొండ గత కొద్ది రోజులుగా వరుస డిజాస్టర్లు అందుకుంటున్న సంగతి తెలిసిందే.
ది ఫ్యామిలీ స్టార్ అంటూ మరొక ఫ్యామిలీ సినిమా తీసిన విజయ్ దేవరకొండ బాక్సాఫీస్ వద్ద బొక్క బోర్లాపడ్డాడు. దీంతో ఇకపై ఫామిలీ సినిమాలకి గుడ్ బై చెప్పేయాలని నిర్ణయించుకుని.. ఇలాంటి మాస్ సినిమా చేస్తున్నాడా.. అని కూడా అనుమానాలు వ్యక్తం అవుతున్నాయి. ఏదేమైనా విజయ్ దేవరకొండ తన తప్పు తెలుసుకుని.. ఇప్పటికైనా మంచి సినిమాలు చేస్తే చాలు అని.. ఫ్యాన్స్ అంటున్నారు.
మిస్టర్ బచ్చన్ సినిమాలో రవితేజ తో రొమాన్స్ చేసిన భాగ్యశ్రీ బోర్సే ఈ సినిమాలో విజయ్ దేవరకొండ సరసన హీరోయిన్‌గా నటిస్తుంది. సితార ఎంటర్ టైన్‌మెంట్స్, ఫార్వ్చూన్‌ ఫోర్‌ సినిమాస్‌ పతాకాలపై నాగవంశీ, సాయి సౌజన్య సంయుక్తంగా ఈ సినిమాని నిర్మిస్తున్నారు.
