వరుణ్‌ తేజ్‌ ప్రస్తుతం గాంఢీవధారి అర్జున సినిమా చేస్తున్న సంగతి తెలిసిందే. మరో రెండు సినిమాలు ఆల్రెడీ సెట్స్‌ మీద ఉన్నాయి. తాజాగా మరో సినిమాను ప్రకటించాడు వరుణ్‌ తేజ్‌. కరుణ్ కుమార్‌ దర్శకత్వంలో ఓ పీరియాడిక్‌ సినిమాను గురువారం గ్రాండ్‌గా లాంచ్‌ చేశాడు. ఈ మేరకు చిత్రబృందం టైటిల్‌ పోస్టర్‌ను రిలీజ్‌ చేశారు. ఈ సినిమాకు మట్కా అనే టైటిల్‌ను ఫిక్స్‌ చేశారు.
నోట్ల కట్టల మధ్య రాయల్‌ కారును చూపిస్తూ పోస్టర్‌ను ఆసక్తికరంగా డిజైన్‌ చేశారు.1960వ దశాబ్ధంలో ఈ సినిమా కథ రూపొందనుందని తెలుస్తుంది. నానితో హాయ్‌ నాన్న చేస్తున్న వైరా సంస్థలోనే ఈ సినిమా తెరకెక్కుతుంది. మూడేళ్ల కిందట వచ్చిన పలాసతో కరుణ్ కుమార్‌ దర్శకుడిగా ఎంట్రీ ఇచ్చాడు. కమర్షియల్‌గా ఈ సినిమా పెద్దగా సక్సెస్‌ కాకపోయినా.. దర్శకుడు కరుణ కుమార్‌ టేకింగ్‌కు యావత్‌ టాలీవుడ్‌ ఇండస్ట్రీ మెచ్చుకుంది.
యాక్షన్ సీన్స్‌ను రియలిస్టిక్‌గా చూపించిన విధానం అందరినీ ఫిదా చేసింది. ఈ దర్శకుడు మెగా ప్రిన్స్‌ సినిమా చేస్తుండటంతో అందరిలోనూ అమితాసక్తి నెలకొంది. ప్రస్తుతం ప్రీ ప్రొడక్షన్‌ పనులలో బిజీగా ఉన్న ఈ సినిమా త్వరలోనే షూటింగ్‌ మొదలు పెట్టనుంది. పాన్‌ ఇండియా లెవల్లో రూపొందనున్న ఈ సినిమాకు తమిళ కంపోజర్‌ జీవి. ప్రకాష్‌కుమార్‌ స్వరాలిందిస్తున్నాడు.
