బాలీవుడ్‌ హీరో వరుణ్‌ ధావన్‌, సమంత తొలిసారి స్క్రీన్‌ షేర్‌ చేసుకోనున్నారు. ఓ వెబ్‌సిరీస్‌ కోసం వీరిద్దరూ జత కడుతున్నారు. ఈ క్రమంలో ఈ ప్రాజెక్ట్‌ టీం గత రాత్రి మీట్‌ అయ్యారు. మీటింగ్‌ అనంతరం సమంత, వరుణ్‌ తిరిగి వెళ్లిపోతున్న సందర్భంలో ఫొటో జర్నలిస్టులు తెగ హడావిడి చేశారు. ఫొటోల కోసం చుట్టుముట్టడంతో ఆ ఫొటోగ్రాఫర్ల నుంచి వరుణ్‌ సమంతకు రక్షణ కల్పించారు.
‘ఎందుకు అలా ఆమెను భయపెడతున్నారు? భయపెట్టకండి’ అంటూ సరదాగా కామెంట్‌ చేశాడు. దగ్గరుండి సమంతను కారు ఎక్కించాడు. కాగా ప్రముఖ హాలీవుడ్‌ సిరీస్‌ సిటడెల్‌కు ఇండియన్‌ వెర్షన్‌లో ఓ సిరీస్‌ను తెరకెక్కించనున్నారు. రాజ్‌ అండ్‌ డీకేలు దర్శకత్వం వహించనున్నారు. ఇప్పటికే ఫ్యామిలీ మ్యాన్‌-2 వెబ్‌సిరీస్‌తో దేశవ్యాప్తంగా పాపులర్‌ అయిన సమంత ఇప్పుడు సిటడెల్‌తో మరింత దగ్గర కానుంది.
