‘చూసి చూడంగానే’ సినిమాతో టాలీవుడ్‌లో హీరోయిన్‌ గా ఎంట్రీ ఇచ్చిన చెన్నై బ్యూటీ వర్ష బొల్లమ్మ. తరువాత పలు సినిమల్లో నటించి మంచి గుర్తింపు తెచ్చుకుంది. ఇటీవలే ఈమె నటించిన ‘స్వాతిముత్యం’ విడుదలై మంచి విజయం సాధించింది. ప్రస్తుతం ఈ చిత్రం ఆహాలో స్ట్రీమింగ్ అవుతుంది. ఇదిలా ఉంటే తాజాగా వర్ష బొల్లమ్మకు సంబంధించిన ఒక ఆస్తికర వార్త సోషల్‌ మీడియాలో వైరల్‌ అవుతుంది.
వర్ష బొల్లమ్మ త్వరలోనే పెళ్ళి పీటలెక్కబోతున్నట్లు తెలుస్తుంది. ఓ పెద్దింటికి ఆమె కోడలిగా వెళ్ళబోతుందని టాలీవుడ్‌ వర్గాల సమాచారం. కాగా ఓ సినియర్‌ నిర్మాత కొడుకు వర్షను ఇష్టపడ్డాడట. ఇదే విషయాన్ని సదరు నిర్మాతకు చెప్పగా, ఆయన కూడా ఓకే చెప్పాడట. ఇక ఇదే స్పీడ్‌లో ఆ నిర్మాత కొడుకు.. వర్ష బొల్లమ్మ తల్లిదండ్రులతో మాట్లాడాడట. వాళ్ళ సైడ్‌ నుండి కూడా గ్రీన్ సిగ్నల్‌ వచ్చిందని టాక్‌. అయితే ఇందులో నిజమెంతుందో తెలియదు కానీ.. ఈ వార్త సోషల్‌ మీడియాలో తెగ వైరల్‌ అవుతుంది. మరీ ఈ వార్తలపై వర్ష బొల్లమ్మ స్పందిస్తుందో లేదో చూడాలి.
