టాలీవుడ్‌ యంగ్‌ హీరో వైష్ణవ్ తేజ్ – ప్రముఖ దర్శకుడు క్రిష్ డైరెక్షన్‌లో తన నెక్స్ట్ ప్రాజెక్ట్ చేస్తున్నాడు. వైష్ణవ్ తేజ్ రెండో ప్రాజెక్ట్ అయిన ఇందులో రకుల్ ప్రీత్ సింగ్ హీరోయిన్ గా నటిస్తున్న విషయం తెలిసిందే. ఇంకా టైటిల్ ఫిక్స్‌ చేయని ఈ సినిమా షూటింగ్ ఇప్పటికే పూర్తయింది. ప్రస్తుతం ఈ మూవీ పోస్ట్ ప్రొడక్షన్ దశలో ఉంది. ఈ రోజు ఉదయం దర్శకుడు క్రిష్ తన ట్విట్టర్‌లో ఈ సినిమా అప్డేట్ ను ప్రకటించారు.
ఈ మేరకు ఓ వీడియో విడుదల చేశారు. అందులో వైష్ణవ్ తేజ్‌తో పాటు గ్రామీణులు, పశువులు, గొర్రెలతో కలిసి అడవిలో నడుస్తుండగా… సూర్యుడు అస్తమించబోతున్నట్లు ఉంది. ఈ సినిమా టైటిల్, ఫస్ట్ లుక్ పోస్టర్ ను ఆగస్టు 20న ఉదయం 10:15 గంటలకు లాంచ్ చేస్తామని క్రిష్ ప్రకటించారు. ఈ సినిమాకు జ్ఞాన శేఖర్ సినిమాటోగ్రఫీ అందించారు. ఎంఎం కీరవాణి సంగీతం సమకూరుస్తున్నారు. సన్నపురెడ్డి వెంకట రామి రెడ్డి రాసిన “కొండపొలం” నవల ఆధారంగా ఈ సినిమాను రూపొందించారు. ఫస్ట్ ఫ్రేమ్ ఎంటర్‌టైన్‌మెంట్స్ పతాకంపై సాయిబాబు జాగర్లమూడి, రాజీవ్ రెడ్డి సంయుక్తంగా నిర్మించారు.
Title & First Look of @FirstFrame_ent #Production8 a spectacular adventurous film of Mega Sensation #PanjaVaisshnavTej, electrifying @Rakulpreet n our masterly team #Sannapureddi @mmkeeravaani @gnanashekarvs is out on Aug 20th, 10:15AM@YRajeevReddy1 #JSaiBabu @MangoMusicLabel pic.twitter.com/0JRlPr6OaQ
— Krish Jagarlamudi (@DirKrish) August 18, 2021
