వరుణ్‌ సందేశ్‌ హీరోగా ‘ఇందువదన’ సినిమా చేస్తున్న సంగతి తెలిసిందే. మాధవి ఆదుర్తి నిర్మించిన ఈ సినిమాకి ఎమ్మెస్సార్ దర్శకుడిగా వ్యవరించాడు. ఫర్నాజ్ శెట్టి ఈ సినిమాతో హీరోయిన్‌గా పరిచయమవుతోంది. కొంతసేపటి క్రితం ఈ సినిమా నుంచి ఒక లిరికల్ వీడియోను వదిలారు. ‘వడివడిగా సుడిగాలిలా వచ్చి .. గుచ్చి గుచ్చి చూస్తావు భలే భలేగా’ అంటూ ఈ సాంగ్ సాగుతోంది. ఓ సెలయేటి ఒడ్డున ఈ పాటను అందంగా చిత్రీకరించారు. మోడ్రన్ లుక్ తో హీరో .. గిరిజన యువతిగా హీరోయిన్ కనిపిస్తున్నారు. శివ కాకాని సంగీతాన్ని అందించిన ఈ పాటను జావేద్ అలీ .. మాళవిక ఆలపించారు. త్వరలోనే ఈ సినిమా ప్రేక్షకుల ముందుకు రానుంది.
