పవర్‌ స్టార్‌ పవన్‌ కళ్యాణ్‌ ఫ్యాన్స్ ఎంతో ఆసక్తిగా ఎదురుచూస్తున్న సినిమాల్లో.. ఉస్తాద్‌ భగత్‌ సింగ్ ఒకటి. పవన్‌ కల్యాణ్‌ టైటిల్‌ ప్రధాన పాత్రలో నటిస్తున్న ఈ చిత్రానికి హరీష్‌ శంకర్‌ దర్శకత్వం వహిస్తున్నాడు. టాలీవుడ్ టాప్ ప్రొడక్షన్‌ హౌస్‌ మైత్రీ మూవీ మేకర్స్‌ తెరకెక్కిస్తున్నారు.
ఈ సినిమాలో శ్రీలీల హీరోయిన్‌గా నటిస్తోంది. ఇప్పటికే ఈ సినిమా నుండి విడుదలైన అప్డేట్స్‌ సోషల్ మీడియాలో వైరల్‌ అవుతున్నాయి. తాజాగా ఉస్తాద్‌ భగత్‌ సింగ్ టీజర్ విడుదలైంది. ఇక ఈ టీజర్ చూస్తే… భగత్‌ సింగ్ టీజరా.. లేక జనసేన ప్రమోషన్సా.. అనే డౌట్‌ కూడా వస్తుంది. ఏపీలో ఎన్నికల నగారా మోగడంతో.. రాజకీయ పార్టీల ప్రచారాలు ఊపందుకున్నాయి. ఇదే కోవలోనే ఈ టీజర్ కూడా ఉన్నట్లు అనిపిస్తుంది.
ఉస్తాద్‌ భగత్‌ సింగ్ టీజర్‌ను.. జనసేన ప్రమోషన్‌ కోసం విడుదల చేసినట్లు ఉంది అని నెటిజన్లు కామెంట్‌ చేస్తున్నారు. ఈ టీజర్ మొత్తం.. భారీ డైలాగ్స్‌తో దద్ధరిల్లిపోయింది. గాజు పగిలే కొద్దీ పదునెక్కుద్దీ.. ఖచ్చితంగా గుర్తు పెట్టుకో. గ్లాస్‌ అంటే సైజ్‌ కాదు.. సైన్యం అంటూ.. తన ఫ్యాన్స్‌కి మరింత బూస్ట్‌ ఇస్తున్నాడు. గబ్బర్‌ సింగ్ తర్వాత పవన్‌ కల్యాణ్‌- హరీష్‌ శంకర్‌ కాంబోలో వస్తున్న సినిమాపై అంచనాలు భారీ ఉన్నాయి.
