మెగా మేనల్లుడు, సాయి థరమ్‌ తేజ్ తమ్ముడు వైష్ణవ్ తేజ్ నటించిన డెబ్యూ సినిమా ‘ఉప్పెన’. కృతిశెట్టి హీరోయిన్ గా నటిస్తున్న ఈసినిమాకి సుకుమార్ అసోసియేట్ బుచ్చిబాబు దర్శకుడిగా టాలీవుడ్ కి పరిచయం అవుతున్నాడు. ఇక సుకుమార్, మైత్రీ మూవీ మేకర్స్ కలిసి ఈ సినిమా నిర్మించారు. అన్నీ కార్యక్రమాలని పూర్తి చేసుకొని విడుదలకు సిద్ధంగా ఉంది. దేవీశ్రీ ప్రసాద్ సంగీతం అందించాడు. ఈ సినిమా పూర్తి స్థాయి ప్రేమ కథతో కావడంతో వ్యాలంటైన్స్ డే సీజన్లో రిలీజ్ చేయడానికి నిర్ణయించారు. ఈ క్రమంలో ‘ఉప్పెన’ మూవీని ఫిబ్రవరి 12న ప్రేక్షకుల ముందుకు తీసుకురానున్నట్లు అధికారికంగా ప్రకటించింది చిత్ర యూనిట్‌. ఈ విషయాన్ని ట్విట్టర్‌ వేదికగా పేర్కొంది.
