మెగా మేనల్లుడు వైష్ణవ్ తేజ్ హీరోగా నటించిన ‘ఉప్పెన’. ఎప్పుడో విడుదలకావాల్సిన ఈ సినిమా ఫిబ్రవరి 12న విడుదలై బ్లాక్ బస్టర్ హిట్‌ను సొంతం చేసుకుంది. ఈ సినిమాను సుకుమార్ రైటింగ్స్, మైత్రీ మూవీ మేకర్స్ కలిసి నిర్మించాయి. సుకుమార్ శిష్యుడు బుచ్చిబాబు దర్శకత్వం వహించాడు. కరోనా తర్వాత వంద కోట్ల గ్రాస్‌ను అందుకున్న సినిమాగా నిలిచింది. ఈ సినిమాలో కృతి శెట్టి హీరోయిన్‌గా నటించింది. విజయ్ సేతుపతి కీలక పాత్ర పోషించాడు. ఈ సినిమా ఓటీటీలో విడుదలవుతుందని ఎదురు చూస్తున్నవారికి ఓ క్లారిటీ వచ్చింది. ప్రముఖ ఓటీటీ ప్లాట్‌ఫామ్ నెట్ ఫ్లిక్స్ లో ఉప్పెన ఏప్రిల్ 14నుంచి స్ట్రీమ్ కానుందని తెలిపింది. ఈ డేట్ లో ఎలాంటి మార్పులు లేవని, ఈ సారి ఖచ్చితంగా చెప్పిన రోజే సినిమా ఓటీటీలోకి వస్తుందని సమాచారం. దీంతో మెగా అభిమానులు ఆనందం వ్యక్తం చేస్తున్నారు.
