దర్శకుడు ధీరుడు రాజమౌళి డైరెక్షన్‌లో చరణ్, ఎన్టీఆర్ హీరోలుగా నటిస్తున్న మల్టీస్టారర్‌ మూవీ ‘ఆర్ఆర్ఆర్’. ఈ సినిమా కోసం ప్రేక్షకులు ఎంతో ఆకసక్తిగా ఎదురుచూస్తున్నారు. ఈ నేపథ్యంలో ఉపాసన షేర్ చేసిన తాజా వీడియో ఒకటి సోషల్‌ మీడియాలో వైరల్‌ అవుతుంది. ‘ఆర్ఆర్ఆర్’ మూవీ దేశవ్యాప్తంగా మార్చ్ 25న విడుదల కానున్న సందర్భంగా రామ్ చరణ్, ఎన్టీఆర్, రాజమౌళి కలిసి దేశవ్యాప్తంగా ఈ నాలుగు రోజుల పాటు ప్రమోషన్ కార్యకమాల్లో మునిగితేలారు.
అందులో భాగంగానే మంగళవారం వారణాసికి చేరుకున్న ‘ఆర్ఆర్ఆర్’ త్రయం అక్కడ గంగా హారతిలో పాల్గొని ఆశీస్సులు కూడా తీసుకున్నారు. ఇక వారణాసి ప్రమోషన్లలో రాజమౌళి, ఎన్టీఆర్, రామ్ చరణ్ తో పాటు ఉపాసన, రాజమౌళి తనయుడు కార్తికేయ కూడా పాల్గొన్నారు. వారణాసి ట్రిప్ కు సంబంధించిన వీడియోను ‘వారణాసి నువ్వు ఎప్పటిలాగే మ్యాజికల్’ ఆర్ఆర్ఆర్ ను చూడడానికి సూపర్ ఎగ్జైటెడ్ గా ఉన్నాను’ అంటూ ఉపాసన ఈ స్పెషల్ వీడియోను షేర్ చేసింది.
కాగా పాన్ ఇండియా ఫిల్మ్ ‘ఆర్ఆర్ఆర్’ను డివివి ఎంటర్‌టైన్‌మెంట్ బ్యానర్‌పై డివివి దానయ్య నిర్మించగా, ఎంఎం కీరవాణి సంగీతం అందించారు. ఈ సినిమా మార్చి 25న వెండితెరపైకి రానుంది. రాజమౌళి మాగ్నమ్ ఓపస్ పీరియాడికల్ యాక్షన్ డ్రామాలో అలియా భట్, ఒలివియా మోరిస్, రే స్టీవెన్సన్, సముద్రఖని, అలిసన్ డూడీ కూడా ముఖ్యమైన పాత్రల్లో నటించారు. ఈ చిత్రం కోసం దేశం మొత్తం ఎంతో ఆసక్తిగా ఎదురు చూస్తోంది.
గ్రీన్‌ ఇండియా ఛాలెంజ్‌ పాల్గొన్న ‘ఆర్ఆర్ఆర్’ టీమ్‌
VaRRRnasi ur were magical as always 🤗⭐️🙏
Super excited for #RRRMoive #RRR @AlwaysRamCharan pic.twitter.com/xzR57CwCLV— Upasana Konidela (@upasanakonidela) March 23, 2022
