మెగా కోడలు.. మెగాపవర్‌ స్టార్‌ రామ్‌ చరణ్‌ సతీమణి ఉపాసన గురించి ప్రత్యేకంగా చెప్పనక్కర్లేదు. రామ్‌ చరణ్‌ భార్యగా, అపొలో అధినేత మనవరాలిగా కాకుండ తనకంటూ ప్రత్యేకమైన గుర్తింపు తెచ్చుకున్నారు. సామాజిక కార్యక్రమాల్లో భాగస్వామ్యమవుతూ… ఎంతో మందికి అండగా నిలుస్తున్నారు. సోషల్‌ మీడియాలో యాక్టీవ్‌గా ఉంటూ.. ఫిట్‌ నెస్‌, ఆరోగ్యానికి సంబంధించిన టిప్స్‌ను ఫ్యాన్స్‌తో షేర్‌ చేసుకుంది. ఈ నేపథ్యంలో తనకు సంబంధించిన ఓ ఆసక్తికర వార్తను అభిమానులతో పంచుకున్నారు ఉపాసన. తాను సూపర్‌ లగ్జరీ ఆడి కొత్త కారు కొన్నానంటూ ఇన్‌స్టాగ్రామ్‌ వేదికగా తన ఫాలోవర్స్‌తో పంచుకున్నారు.
ఈ మేరకు ఉపాసన ఓ స్పెషల్‌ వీడియోను షేర్‌ చేశారు. ప్రగతి శీలంగా స్థిరమైన, విలాసవంతమైన భవిష్యత్తును నిర్మించడానికి ఇదే ఆరంభం అంటూ ఉపాసన పెట్టిన ఈ పోస్ట్ సోషల్‌ మీడియాలో వైరల్‌గా మారింది. ఈ సందర్భంగా తన లగ్జరీ కారుకు సంబంధించిన ఫీచర్స్ ఎలా ఉన్నాయో వివరిస్తూ ఆమె వీడియోను విడుదల చేశారు. ‘నా దృష్టిలో భవిష్యత్తు అంటే సుస్థిరతతో పాటు ప్రగతి శీలమైన లగ్జరీ కూడా కలిసి ఉండటమే. నా ఈ ఆడి ఈ-ట్రాన్(Audi E-Tron) ఆ రెండింటిని కలిగి ఉంది. అత్యాధునిక సౌకర్యాలను కలిగిన ఈ లగ్జరీ ఆడి కారు ఎంతో సురక్షితమైంది’ అంటూ తన పోస్ట్‌లో రాసుకొచ్చారు. కాగా ఉపాసన కొన్న ఈ లగ్జరి ఆడి ఈ-ట్రాన్ కారు ధర దాదాపు కోటి ఇరవై లక్షల వరకు ఉంటుందని సమాచారం.
For me, the future is about sustainability & progressive luxury, and my Audi E-Tron gives me both. Experience cutting edge innovation, sustainability & comfort with the Audi e-Tron
It’s truly a constant companion in all my journeys@AudiIN #etronInIndia #FutureIsAnAttitude #ad pic.twitter.com/VyaiHeXwhK— Upasana Konidela (@upasanakonidela) May 23, 2022
