Chhaava director filmography:
బాలీవుడ్‌లో ఇప్పుడు హాట్ టాపిక్‌ ఏదైనా ఉందంటే అది లక్ష్మణ్ ఉటేకర్ దర్శకత్వం వహించిన Chhaava విక్కీ కౌశల్ ప్రధాన పాత్రలో నటించిన ఈ చిత్రం బాక్సాఫీస్‌పై అదిరిపోయే కలెక్షన్లు రాబడుతోంది. చాలా మంది సినిమా విజయాన్ని విక్కీ కౌశల్ ఎనర్జీకి క్రెడిట్ ఇస్తున్నా, ఈ విజయానికి అసలు మూలం దర్శకుడు ఉటేకర్ కృషి కూడా.
ఉటేకర్ కెరీర్ ఓ రోలర్ కోస్టర్ లా నడిచింది. 2013లో అతని తొలి దర్శకత్వ చిత్రం ‘టపాల్’ (మరాఠీ) ప్రేక్షకులను భావోద్వేగపూరితంగా కదిలించింది. తర్వాత ‘లుకా చుప్పి’, ‘మిమీ’ చిత్రాలతో సామాజికంగా ప్రాసంగికమైన కథలను చెప్పే ప్రయత్నం చేశాడు.
దర్శకుడిగానే కాకుండా, కెమెరామేన్‌గా కూడా ఉటేకర్ అందరి దృష్టిని ఆకర్షించాడు. ‘ఇంగ్లీష్ వింగ్లీష్’, ‘డియర్ జిందగీ’, ‘హిందీ మీడియం’, ‘తేరీ బాతోన్ మేన్ ఐసా ఉల్జా జియా’ లాంటి చిత్రాలకు సినిమాటోగ్రాఫర్‌గా పని చేశాడు. ఈ అనుభవమే అతనికి సినిమాల్లో విజువల్స్ పట్ల మంచి అవగాహన తీసుకొచ్చింది.
‘ఛవ్వా’ విజయంతో, లక్ష్మణ్ ఉటేకర్ ఇప్పుడు టాప్ డైరెక్టర్స్ లిస్ట్‌లో చేరిపోయాడు. అయితే కొంతమంది ఫిల్మ్ క్రిటిక్స్ ఈ సినిమాలో కొన్ని టెక్నికల్ ఫ్లాస్ ఉన్నాయంటూ విమర్శిస్తున్నారు. కానీ, ఊహాత్మక కథనంతో ప్రేక్షకులను ఎమోషనల్‌గా కనెక్ట్ చేయగలిగాడు. ఈ కాబట్టి, ఈ చిత్రం కేవలం రివ్యూలతో కాకుండా, ప్రేక్షకుల ప్రేమతో ముందుకు సాగుతోంది.
ఇప్పటికి కూడా ‘ఛవ్వా’ బాక్సాఫీస్‌ను షేక్ చేస్తూనే ఉంది. విక్కీ కౌశల్ పవర్‌పుల్ పెర్ఫార్మెన్స్, గ్రిప్పింగ్ స్క్రీన్‌ప్లే, లక్ష్మణ్ ఉటేకర్ టేకింగ్ అన్నీ కలిసి సినిమా భారీ విజయాన్ని అందించాయి. ఇప్పుడు, తన తదుపరి ప్రాజెక్ట్ ఏంటి? అనే ప్రశ్న అందరికీ ఉత్సాహం కలిగిస్తోంది.
