SSMB29 Update:
సూపర్‌స్టార్ మహేష్ బాబు ఇటీవల తన కుటుంబ సభ్యులతో కలిసి సెలవుల కోసం వెళ్లిన సంగతి తెలిసిందే. ఈ సందర్భంగా ఆయన కొత్త లుక్‌లో కనిపించారు. ఆ రఫ్, రా, రష్టిక్ అందరి దృష్టిని ఆకర్షించింది. ఈ లుక్ రాజమౌళి తో చేసే సినిమాలోది అని ఆల్రెడీ టాక్ నడుస్తోంది. ఈ సినిమా మీద భారీ అంచనాలు ఉన్నాయి అని ప్రత్యేకంగా చెప్పాల్సిన పనిలేదు.
అయితే, ఈ సినిమా గురించి రెండు కొత్త రూమర్స్ కూడా పుట్టుకొచ్చాయి. ఇప్పటి వరకు ఈ సినిమా జానర్ గానీ, కథా వివరాల గురించి గానీ ఎవరికీ పెద్దగా క్లారిటీ లేదు. కానీ ఇది ఒక ఆఫ్రికన్ అడ్వెంచర్ డ్రామా అని మాత్రం తెలుస్తోంది. అయితే తాజాగా ఇప్పుడు ఈ సినిమా గరుడ అనే ప్రాజెక్ట్ కావొచ్చు అని ఊహాగానాలు వినిపిస్తున్నాయి. ఇది రాజమౌళి గతంలోనే ప్లాన్ చేసిన ప్రాజెక్ట్ అని సమాచారం.
అయితే, విశ్వసనీయ వర్గాల సమాచారం ప్రకారం, SSMB29 సినిమా గరుడ కాదట. ఈ రెండు ప్రాజెక్ట్స్ పూర్తిగా వేరు అని తెలుస్తోంది. మరోవైపు ఈ సినిమా 2028లో విడుదల అవుతుంది అని వార్తలు వినిపిస్తున్నాయి. కానీ, దీని గురించి కూడా ఇంకా అధికారికంగా ఎలాంటి ప్రకటన లేదు.
ప్రీ-ప్రొడక్షన్ పనుల్లో టీమ్ బిజీగా ఉంది, సినిమా 2028 వరకు వాయిదా పడే అవకాశం ఉంది అని కొందరు అంటున్నారు. కానీ ఈ విషయం గురించి అప్పుడే చెప్పడం కష్టమే. ఏదేమైనా రాజమౌళి, మహేష్ బాబు వంటి క్రేజీ కాంబినేషన్ తో సినిమా అంటే కచ్చితంగా అంచనాలు వేరే లెవెల్ లోకి ఉంటాయి. అవి అందుకునే విధంగా సినిమా ఉంటే చాలు. ఇక రాజమౌళి సినిమాల గురించి స్పెషల్ గా చెప్పాల్సిన పని లేదు. క్వాలిటీ విషయంలో తగ్గేదే లే అంటారు జక్కన్న.
