టాలీవుడ్‌లో ఈ సంక్రాంతికి పలు సినిమాలు సందడి చేశాయి. వాటిలో గుంటూరు కారం, హనుమాన్, సైంధవ్‌, నా సామిరంగ థియేటర్లలో సందడి చేశాయి. ఇవన్నీ కూడా ప్రేక్షకులను బాగానే ఆకట్టుకున్నాయి. ముఖ్యంగా గుంటూరు కారం మహేష్‌ ఫ్యాన్స్‌ని ఫుల్‌ ఖుషీ చేసింది. ఇక ఈ సినిమాల మధ్య థియేటర్ల కోసం గట్టి పోటీనే జరిగింది.
గుంటూరు కారం సినిమాకి తప్ప మిగిలిన సినిమాలకు సరైన థియేటర్లు దొరకలేదు. ఈ నేపథ్యంలో వచ్చే సంక్రాంతికి ముందుగానే సీట్లు బుక్‌ చేసుకుంటున్నాయి పలు సినిమాలు. ఏడాది ముందుగానే 2 సినిమాల రిలీజ్‌ డేట్‌లను ప్రకటించారు.
మెగాస్టార్‌ చిరంజీవి హీరోగా వశిష్ఠ దర్శకత్వంలో ‘విశ్వంభర’ రూపొందుతున్న సంగతి తెలిసిందే. ఈ మూవీ టైటిల్‌ను సంక్రాంతి సందర్భంగా విడుదల చేశారు. ఈ సందర్భంగా వీడియో విడుదల చేసారు. దీనితో పాటు పనిలో పనిగా విడుదల తేదీని కూడా ప్రకటించారు.
ఈక్రమంలోనే దిల్‌రాజ్‌ మరో సూపర్‌హిట్‌ మూవీ ‘శతమానంభవతి’ సీక్వెల్స్‌ను కూడా ప్రకటించాడు. గతంలో ఈ సినిమా పలు పెద్ద సినిమాల మధ్య చిన్న సినిమాగా విడుదలై భారీ విజయం సాధించింది. పైగా దిల్‌రాజ్‌కు జాతీయ అవార్డు కూడా తెచ్చిపెట్టింది.
సంక్రాంతి పండగ చుట్టూ ఫ్యామిలీ బంధాలు, ఎమోషన్స్ తో అల్లుకున్న పల్లెటూరు కథ ఇది. శర్వానంద్‌- అనుపమ హీరోహీరోయన్‌లుగా నటించారు. ఈ సినిమా ప్రేక్షకులును బాగా ఆకట్టుకుంది. సంక్రాంతి సందర్భంగా ఈ సినిమా సీక్వెల్ ‘శతమానంభవతి నెక్ట్స్‌ పేజీ’ ఫిక్స్‌ చేశారు.
ఈ సినిమా వచ్చే సంక్రాంతికి విడుదల కానున్నట్లు ప్రకటించారు. ఇప్పటికే ఈ సినిమాలు వచ్చే సంక్రాంతికి అఫిషియల్‌గా డేట్‌ ఫిక్స్‌ చేసుకున్నాయి. ఇక ఈ రేసులో మరిన్ని సినిమాలు చేరే అవకాశం ఉంది. వాటిలో నాగార్జున బంగార్రాజు-3, హనుమాన్ సీక్వెల్స్‌ మరియు బాలయ్య కూడా ఈ రేసులో చేరే అవకాశం ఉంది. దీన్నిబట్టి చూస్తే వచ్చే ఏడాది కూడా సంక్రాంతికి గట్టి పోటీ ఉండనున్నట్లు తెలుస్తుంది.
Beyond the universe and beyond the celestial realms, comes a light of hope – 𝗩𝗜𝗦𝗛𝗪𝗔𝗠𝗕𝗛𝗔𝗥𝗔 💫#Mega156 is #Vishwambhara ❤️🔥
Title and concept video out now!
– https://t.co/hm9wO9nyawIn cinemas Sankranthi 2025.@DirVassishta @mmkeeravaani @boselyricist @NaiduChota… pic.twitter.com/fOyCDIMV3M
— Chiranjeevi Konidela (@KChiruTweets) January 15, 2024
