Tumbbad 2 announcement:
2018లో విడుదలైనప్పుడు పెద్దగా హిట్ అవ్వలేకపోయిన బాలీవుడ్ హారర్ సినిమా Tumbbad ఇప్పుడు కల్ట్ స్టేటస్‌ను సాధించింది. సినిమా అభిమానులు ఎప్పటి నుంచో దీనిని మళ్లీ పెద్ద తెరపై చూడాలని ఆసక్తిగా ఎదురుచూస్తున్నారు. ఈ కోరికను తాజాగా సినిమా నిర్మాతలు తీర్చారు. తుంబాడ్ మళ్లీ థియేటర్లలోకి వచ్చింది.
ఈ సినిమా మళ్ళీ విడుదలైన మొదటి రోజే 1.65 కోట్ల రూపాయలు వసూలు చేయడం విశేషం. ఇది మొదటి సారి విడుదలైనప్పుడు సంపాదించిన మొత్తానికి మూడింతలు. ఈ కల్ట్ క్లాసిక్ సినిమా మీద అభిమానులు ప్రశంసల వర్షం కురిపించారు. అయితే, మేకర్స్ మరో సర్‌ప్రైజ్‌ను అభిమానుల కోసం సిద్ధం చేశారు. తుంబాడ్ 2 అనౌన్స్ చేస్తూ రీ-రిలీజ్ స్క్రీనింగ్ సందర్భంగా ఈ వార్త ప్రకటించారు.
తుంబాడ్ 2 ను మొదటి భాగంలో లీడ్ నటుడిగా, నిర్మాతగా ఉన్న సోహుమ్ షా నిర్మించనున్నారు. రీ-రిలీజ్‌కు వచ్చిన అద్భుత స్పందన రెండవ భాగానికి మంచి స్టార్ట్ ఇస్తుంది అని చెప్పుకోవచ్చు. సినిమా కథ బాగుంటే, ఇది కచ్చితంగా 500 కోట్ల గ్రాస్ వసూలు చేసే అవకాశం ఉంది అని సినీ విశ్లేషకులు ముందే చెప్పేస్తున్నారు.
మొదటి భాగానికి రాహి అనిల్ బర్వే దర్శకత్వం వహించగా, ఆనంద్ ఎల్. రాయ్, ఆనంద్ గాంధీ, ముఖేష్ షా, అమిత్ షా సహ నిర్మాతలుగా ఉన్నారు. హర్ష్ కే, జ్యోతి మాల్షే, రుద్ర సోని, అనితా డేట్ కేల్కర్, మాధవ్ హరి, పియుష్ కౌశిక్ కీలక పాత్రల్లో నటించారు. అజయ్-అతుల్ పాటలకు స్వరాలు సమకూర్చగా, జెస్పర్ కిడ్ బ్యాగ్రౌండ్ స్కోర్ అందించారు.
Read More: Thalapathy Vijay’s remuneration for the last film after The GOAT will blow your mind!
