స్టార్ హీరోయిన్ రకుల్ ప్రీత్‌సింగ్ సోదరుడు అమన్ ప్రీత్ సింగ్ హీరోగా న‌టిస్తోన్న చిత్రం ‘త్రిశంకు’. ప్రాచి తెహ్లాన్, రష్మీ గౌతమ్ హీరోయిన్స్‌గా న‌టిస్తున్నారు. సుమ‌న్‌, మహేష్ ఆచంట, నవీన రెడ్డి ఈ సినిమాలో కీల‌క‌పాత్ర‌లు పోషిస్తున్నారు. శ్రీ కృష్ణ గొర్లె దర్శకత్వంలో గణేశ్ క్రియేష‌న్స్‌, ఎ.యు అండ్ ఐ స్టూడియోస్ బ్యానర్లపై లండన్ గణేష్ మరియు నల్ల అయ్యన్న నాయుడు సంయుక్తంగా నిర్మిస్తున్నారు. తాజాగా ఈ మూవీ నుంచి ఫస్ట్ లిరికల్ సాంగ్‌ని స్టార్ హీరో రానా దగ్గబాటి విడుదల చేశాడు. ‘ఏడు రంగుల ఓ ఇంద్ర‌ధ‌నస్సులా’ అంటూ సాగే ఈ పాటకి భాష్యశ్రీ లిరిక్స్‌ అందించగా, రాహుల్‌ సిప్లిగంజ్‌ ఆలపించారు. సునీల్ క‌శ్య‌ప్ చక్కటి సంగీతం అందించారు. త్వరలోనే ఈ చిత్రానికి సంబంధించిన అన్ని వివరాలను వెల్లడిస్తాం తెలిపారు.
