కోలీవుడ్‌ స్టార్‌ హీరో విజయ్ కి ఉన్న క్రేజ్ గురించి ప్రత్యేకంగా చెప్పుకోవాల్సిన పనిలేదు. ‘బీస్ట్’ తరువాత ఆయన మరో భారీ బడ్జెట్ సినిమాతో బిజీగా ఉన్నాడు. సెవెన్ స్క్రీన్ బ్యానర్ పై నిర్మితమవుతున్న ఈ సినిమాకి, లోకేశ్ కనగరాజ్ దర్శకత్వం వహిస్తున్నాడు. విజయ్‌కి ఇది 67వ సినిమా.
అనిరుధ్ సంగీతం అందిస్తున్నారు. ఈ సినిమాలో ప్రధాన పాత్రలను వరుసగా విడుదల చేస్తున్నారు మేకర్స్‌. సంజయ్ దత్, యాక్షన్ కింగ్ అర్జున్, మన్సూర్ అలీఖాన్, గౌతమ్ మీనన్, ప్రియా ఆనంద్ ఈ సినిమాలో కీలకమైన పాత్రలలో కనిపించనున్నట్టు చెబుతూ పోస్టర్లను వదిలారు.
ఈ నేపథ్యంలో ఈ సినిమా టీమ్ తాజాగా త్రిష పోస్టర్ ను రిలీజ్ చేసింది. ఈ సినిమాలో త్రిష హీరోయిన్‌గా నటించనుంది. 14 ఏళ్ల తరువాత ఈ ఇద్దరూ కలిసి నటిస్తున్న సినిమా ఇది. ఇప్పటికే నాలుగు సార్లు విజయ్ మరియు త్రిష కలిసి నటించారు. 5వ సారి విజయ్ మరియు త్రిష లు కలిసి నటించబోతున్న ఈ సినిమాపై ఆసక్తి నెలకొంది. ఇక ‘మాస్టర్’ తరువాత మళ్లీ విజయ్ – లోకేశ్ కనగరాజ్ కలిసి చేస్తున్న సినిమా కావడంతో సహజంగానే అంచనాలు ఉన్నాయి.
